రొమాంటిక్ ప్రీ వెడ్ షూటింగ్ కోసం వైజాగ్‌లోని బెస్ట్ ప్లేసులు

తొట్లకొండ బీచ్:

ఈ బీచ్ ఫోటో షూట్లకు, సినిమా షూటింగ్ లకు ప్రసిద్ధి చెందింది. ఇక్కడి సహజసిద్ధమైన ఆర్చ్ మంచి స్పాట్ గా మారిపోయింది. ప్రీ వెడ్ షూటింగ్ కోసం ఇది చక్కగా ఉంటుంది. బీచ్ వద్ద రాళ్ల పైన అందమైన వ్యక్తితో రొమాంటిక్ పిక్స్ సూపర్ గా ఉంటాయి.

కైలాసగిరి:

ఇది వైజాగ్ తీరప్రాంతాన్ని మొత్తంగా చూసేందుకు చక్కని హిల్ స్టేషన్. ఇక్కడి దృశ్యాలు చాలా అందంగా ఉంటాయి. కైలాసగిరి దాని పచ్చదనం, అందమైన ప్రకృతి దృశ్యాలతో కూడిన తోటలు, మనోహరమైన శిల్పాలతో అద్భుతమైన లొకేషన్. ప్రీ వెడ్డింగ్ షూట్ కు మంచి రొమాంటిక్ ప్లేస్ ఇది.

వుడా పార్క్:

ఆర్కే బీచ్ ఒడ్డున ఉండే వుడా పార్క్ వైజాగ్ లోని ఒక ప్రసిద్ధ వినోద ప్రదేశం. వుడా పార్క్ లో తోటలు, మ్యూజికల్ ఫౌంటెన్, పిల్లలు ఆడుకునే స్థలం, వివిధ రకాల సవారీలు ఉంటాయి. ఇక్కడి వాతావరణం రొమాంటిక్ వైబ్ ను ఇస్తుంది.

డాల్ఫిన్ నోస్:

సముద్రానికి అభిముఖంగా ఉన్న కొండపైన ఉన్న డాల్ఫిన్ నోస్ వైజాగ్ తీరప్రాంతం యొక్క అద్భుతమైన దృశ్యాలను అందిస్తుంది. ఎత్తైన శిఖరాలు, పచ్చదనం, ప్రశాంతమైన పరిసరాతో డాల్ఫిన్ నోస్ ప్రీ-వెడ్డింగ్ షూట్ కోసం ఒక అద్భుతమైన ప్రదేశం.

MV మా షిప్:

ఇదో పాడు బడిన ఓడ. మీ ప్రీ వెడ్డింగ్ షూట్ కోసం సరైన ప్రదేశం. ఇది ఒక ప్రసిద్ధి పర్యాటక ఆకర్షణగా మారిపోయింది. బీచ్ కెరటాలు, పక్కనే ఉన్న కొండ, శిథిలమైన ఓడ మంచి వైబ్ ను ఇస్తాయి. సూర్యోదయం వేళ ఇక్కడి ఫోటోషూట్ అద్భుతంగా ఉంటుంది.

కొండకర్ల ఆవ:

కొండకర్ల ఆవ మంచి పర్యాటక ప్రదేశం. ఒకవైపు అభయారణ్యం, మరోవైపు సరస్సు, సరస్సు నిండా తామరపూలు.. ఈ లొకేషన్ చూడటానికి ఎంతో అద్భుతంగా ఉంటుంది. ఇది మంచి రొమాంటిక్ ఫోటో షూట్ లొకేషన్ అనడంలో ఎలాంటి సందేహం అవసరం లేదు.

అప్పికొండ:

(image:YoVizag)

ట్రెక్కింగ్ కు, క్యాంపింగ్ కు ఈ ప్రదేశం చాలా ప్రసిద్ధి. ఇక్కడి లొకేషన్లు ఫోటో షూట్ కు సరిగ్గా సరిపోతాయి. బీచ్ బ్యాగ్రౌండ్ లో రొమాంటిక్ ఫోటోలు తీసుకోవచ్చు.

దివీస్ బ్రిడ్జ్:

బీచ్, సముద్ర కెరటాలు, మరోవైపు బ్రిడ్జి. ఈ లొకేషన్ లో మంచి సిమెట్రీతో ఫోటోలు అద్భుతంగా వస్తాయి. మీ బెటర్ హాఫ్ తో మంచి పిక్స్ కావాలనుకుంటే ఇది సరైన ప్రదేశం.