For Quick Alerts
ALLOW NOTIFICATIONS  
For Daily Alerts

ప్రముఖ పంజాబీ రచయిత అమృతకు గూగుల్ డూడుల్ నివాళి..

|

భారతదేశంలోనే అత్యంత ప్రముఖ పంజాబీ రచయిత అమృత ప్రీతమ్ శత జయంతి సందర్భంగా ప్రముఖ సెర్చ్ ఇంజిన్ గూగుల్ ప్రత్యేక డూడుల్ రూపొందించి ఆమెకు ఘనంగా నివాళి అర్పించింది. ఆమె బ్రిటీష్ ఇండియా పంజాబ్ బోలని గుజ్రాన్ వాలా ప్రాంతంలో జన్మించారు. ప్రస్తుతం ఈ ప్రాంతం పాకిస్థాన్ దేశంలో ఉంది.

Google Doodle

ఆమె ఆత్మకథ 'కాలా గులాబ్'ని మరిపించేలా గూగుల్ డూడుల్ ని తీర్చిదిద్దింది. కాలా గులాబ్ తో ఆమె జీవితంలోని పలు చీకటి కోణాలు వెలుగులోకి వచ్చాయి. వీటి స్ఫూర్తితో మహిళలు తమ సమస్యలపై గళమెత్తడం ప్రారంభించారు. ముఖ్యంగా ప్రేమ, పెళ్లికి సంబంధించిన విషయాలలో మహిళలు నిర్భయంగా మాట్లాడటానికి అమృత ప్రీతమ్ జీవిత చరిత్ర స్ఫూర్తినిచ్చిందని సాహితీవేత్తలు చెబుతుంటారు.

సాహిత్య అకాడమీ (1956) అందుకున్న తొలి మహిళగా అమృత ఖ్యాతిని గడించారు. దీనితో పాటు జ్ఞానపీఠ్ అవార్డు (1981), పద్మవిభూషణ్ అవార్డులు కూడా ఆమెకు దక్కాయి. ఆమె రచించిన ప్రముఖ నవల 'పింజర్'ను బాలీవుడ్ లో సినిమాగా తెరకెక్కించారు. దీనికి దేశ సమైక్యతా విభాగంలో ఉత్తమ జాతీయ చిత్రంగా అవార్డు కూడా వచ్చింది. దేశ విభజన నేపథ్యంలో వచ్చిన నవలగా దీనికి ఇప్పటికీ ప్రత్యేక స్థానం ఉంది.

అమృత 16 ఏళ్ల వయస్సులోనే "డేర్డ్ టు లైవ్ ద లైఫ్ ఆఫ్ షి ఇమాజిన్స్"ను రచించింది. 1947లో భారత్-పాక్ విభజన నేపథ్యంలో "అజ్డ్ అఖాన్ వారిస్ షా ను" అనే ఆమె కవితకు విశేషమైన ఆదరణ లభించింది. 20వ శతాబ్దంలో గొప్ప పంజాబీ కవిగా పేరు సంపాదించిన ప్రీతమ్ విభజన సమయంలో 'పింజర్' తో సహా 28 నవలలను ప్రచురించింది. దీన్ని కూడా ఒక చలనచిత్రంగా రూపొందించారు.

ఆరు దశాబ్దాలుగా అమృత ప్రీతమ్ దాదాపు 100 రచనలను చేశారు. 2005లో ఆమె నవల 'ది అస్తి పంజరం' యొక్క అనువాదానికి లా రూట్ డెస్ ఇండెస్ బహుమతి కూడా లభించింది. ఆమెకు భారతదేశంతో పాటు పాకిస్థాన్ దేశంలోనూ చాలా మంది అభిమానులు ఉన్నారు. దేశ విభజన తర్వాత అమృత పాకిస్థాన్ లో నివసించారు. ఆమె పంజాబీ భాషలో ప్రావీణ్యం సంపాదించినప్పటికీ, అమృత ప్రీతం హిందీ, ఉర్దూ భాషాలలో కూడా చాలా రచనలు చేశారు. అలాగే ఆల్ ఇండియా రేడియోలో కూడా అమృత పనిచేశారు. 1986లో ఆమె రాజ్యసభకు నామినేట్ అయ్యారు. అక్టోబర్ 31, 2005లో ఆమె అనారోగ్యంతో శాశ్వతంగా కన్నుమూశారు.

English summary

Google Doodle Honours most prominent woman punjabi writer Amrita Pritam's 100th Birthday Anniversary

Over six decades, Amrita Pritam has made nearly 100 works. In 2005 she was awarded the La Route des Indes Prize for the translation of her novel Why the Asphalt Cage. She has many fans in India as well as in Pakistan. Amrita lived in Pakistan after partition. Though she is fluent in Punjabi, Amrita Pritam has also written many works in Hindi and Urdu. Amrita also worked on All India Radio. In 1986, she was nominated to the Rajya Sabha.
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more