International Mother Language Day: అంతర్జాతీయ మాతృభాషా దినోత్సవం దీని వెనక కన్నీళ్లు పెట్టించే చరిత్ర

అంతర్జాతీయ మాతృభాషా దినోత్సవం చరిత్ర:

విభజన తర్వాత బంగ్లాదేశ్ ను తూర్పు పాకిస్థాన్ గా పిలిచేవారి. పాకిస్థాన్ లో ఎక్కువ మంది ఉర్దూ మాట్లాడేవారు వారి మాతృభాష ఉర్దూ. కానీ తూర్పు పాకిస్థాన్ లో ఎక్కువ మంది బెంగాలీ మాట్లాడేవారు. వారి మాతృభాష బెంగాలీ. కానీ భారత దేశ విభజన తర్వాత పాకిస్థాన్ ప్రభుత్వం తూర్పు పాకిస్థాన్ పై వివక్ష చూపించింది. అక్కడి ప్రజలు మాట్లాడే భాషకు సరైన గుర్తింపు ఇవ్వలేదు. ప్రభుత్వ భాష ఉర్దూగా మారిపోయింది. బలవంతంగా ఉర్దూను రుద్దే ప్రయత్నం జరిగింది. దీంతో తూర్పు పాకిస్థాన్ లోని ప్రజలు తిరగబడ్డారు. తమ మాతృభాషను కాపాడుకునేందుకు ఉద్యమించారు.

సాధారణ ప్రజలు, విద్యార్థులు, ఉద్యోగులు, అధ్యాపకులు ఉద్యమం చేశారు. 1952 నుండి నాలుగేళ్ల పాటు ఈ పోరు ఉద్ధృతంగా సాగింది. ఈ ఉద్యమాన్ని అణచి వేసేందుకు పాక్ ప్రభుత్వం బల ప్రయోగం చేసింది. ఫిబ్రవరి 21న పోలీసులుతో కాల్పులు జరిపించింది. ఇందులో నెత్తురు ఏరులై పారింది. మాతృభాష పరిరక్షణ కోసం ఉద్యమించిన వారిలో నలుగురు విద్యార్థులు ప్రాణాలు కోల్పోయారు.

చివరికి దిగివచ్చిన పాక్ సర్కారు.. 1956లో బెంగాలీ, ఉర్దూ భాషలను అధికార భాషలుగా గుర్తించింది. తర్వాత యునెస్కో అంతర్జాతీయ మాతృభాష దినోత్సవాన్ని నిర్వహించాలని ఆలోచిస్తున్నప్పుడు ఫిబ్రవరి 21న జరపాలన్న బంగ్లాదేశ్ అభ్యర్థనను అన్ని దేశాలు ఆహ్వానించాయి. అలా ఫిబ్రవరి 21వ తేదీన మాతృభాష దినోత్సవం జరుపుకుంటాం.

మాతృభాష దినోత్సవం రోజు సెలవు:

అంతర్జాతీయ మాతృభాష దినోత్సవం రోజు బంగ్లాదేశ్ లో అధికారిక సెలవు దినం. ఈ రోజు మాతృభాష కోసం ప్రాణాలు అర్పించిన వారిని స్మరించుకుంటారు. మాతృభాషను ప్రోత్సహించడానికి, సంస్కృతి, సాంప్రదాయాలను కాపాడటానికి ఈరోజు ప్రత్యేక కార్యక్రమాలు నిర్వహిస్తారు.

అంతర్జాతీయ మాతృభాషా స్మారక చిహ్నం:

తూర్పు పాకిస్థాన్ లో మాతృభాష కోసం చేసిన ప్రాణత్యాగాన్ని గుర్తించిన ఆస్ట్రేలియా ప్రభుత్వం.. వారికి నివాళిగా సిడ్నీలోని యాష్‌ఫీల్డ్ పార్క్‌లో అంతర్జాతీయ మాతృభాషా దినోత్సవ స్మారక చిహ్నాన్ని నిర్మించింది.

అంతర్జాతీయ మాతృభాష దినోత్సవం థీమ్:

అంతర్జాతీయ మాతృభాష దినోత్సవం 2023 థీమ్ ను యూఎన్ "మల్టిలింగ్వల్ ఎడ్యుకేషన్ - ఏ నెసెసిటీ టూ ట్రాన్స్‌ఫామ్ ఎడ్యుకేషన్" గా ప్రకటించింది.