ఇంటికి బంధువులు వచ్చినప్పుడు ఇండియన్స్ చేసే ఫన్నీ థింగ్స్

పిల్లలకు ట్రైనింగ్

భారతీయుల సంప్రదాయం ప్రకారం ఇంటికి వచ్చిన అతిథులకు ఎలా స్వాగతం చెప్పాలి అనే దానిపై పిల్లలకు బాగా ట్రైనింగ్ ఇస్తారు. కొత్తవాళ్లు, బంధువుల ముందు సరైన పద్ధతిలో ప్రవర్తించాలని.. అల్లరి చేయకుండా క్రమశిక్షణతో ఉండాలని ముందుగానే సూచిస్తారు.

రకరకాల పిండివంటలు

అతిథులు వస్తున్నారంటే.. ఇంట్లో పండగ వాతావరణమే. నోరూరించే వంటలతో.. రెస్టారెంట్ మెనూ డైనింగ్ టేబుల్ కు చేరాల్సిందే. రకరకాల పిండివంటలు.. స్వీట్స్, స్నాక్స్ తో విందు భోజనం రెడీ అయిపోతుంది.

టపాకాయలతో స్వాగతం

బంధువులు వచ్చిన ఆనందంలో కొన్ని సందర్బాల్లో చేసే పనులు భలే గమ్మత్తుగా అనిపిస్తాయి. అలాంటిదే ఇది. అతిథులు ఇంటికి చేరుకున్నారంటే.. ఆ సందడే వేరు. క్రాకర్స్ పేల్చుతూ.. వాళ్లకు వెల్ కమ్ చెప్పేస్తారు. వాళ్లు రావడం తమకు ఎంత ఆనందంగా ఉందో చెప్పకనే చెప్పేస్తారు.

విదేశాల నుంచి అతిథులు వస్తే

ఇక విదేశాల నుంచి అతిథులు వచ్చారంటే... భారతీయుల్లో పట్టలేని ఆనందం. వాళ్లను ప్రత్యేకంగా చూసుకుంటారు. విదేశాల నుంచి వచ్చిన వాళ్లపై చూపించే అభిమానం, ఆప్యాయత మరింత భిన్నంగా.. ఉంటుంది. వాళ్లకు ఇబ్బంది కలిగించేలా.. విదేశీ విషయాలను అడుగుతుంటారు.

జ్ఙాప‌కాలు

భారతీయుల ఇంటికి వచ్చి వెళ్లే అతిథులకు చాలా అరుదైన జ్ఙాప‌కాలు జీవితాంతం మదిలో మెదులుతాయి. ఎందుకంటే.. ఇంటికి వచ్చిన బంధువులను ఆనందంగా చూసుకోవడమే కాదు.. వెళ్లేటప్పుడు వాళ్లకు కానుకలు ఇచ్చి పంపుతారు. బంధువులు వెళ్లిపోవడం బాధగా అనిపించినా.. చిరునవ్వుతో వీడ్కోలు చెబుతారు. మీరు కూడా.. ఈ సారి ఇండియన్స్ ఇంటికి గెస్ట్ గా వెళ్లండి. ఈ విధంగానే ఆహ్వానించి.. అభిమానిస్తారో లేదో చూసి.. ఎంజాయ్ చేయండి.