దొంగతనానికి వెళ్లిన వ్యక్తి ఇంట్లో వాళ్లను లేపి ఏమి అడిగాడో తెలుసా?

బాగా నిద్రపోతున్న వారిని తట్టి లేపాడు. వారు ఉలిక్కి పడి లేచారు. మిడ్ నైట్ ఒక అపరిచితున్ని చూసి వారు షాక్ అయ్యారు. వారి గుండె వేగం పెరిగింది. అతను తమను ఏం చేస్తాడోనని వణికిపోయారు.

Updated: Thursday, October 29, 2020, 10:29 [IST]

దొంగలు ఒక్కొక్కరు ఒక్కో రకంగా ఉంటారు. కొందరు బెదిరించి దొంగలించుకుని వెళ్తారు. కొందరు గుట్టు చప్పుడు కాకుండా దొంగతనం చేస్తారు. అయితే కొందరు దొంగలు చాలా ఫన్నీగా ఉంటారు.

మిడ్ నైట్ వెళ్లాడు

అలాంటి ఒక దొంగనే ఒక ఇంట్లోకి మిడ్ నైట్ వెళ్లాడు. తర్వాత ఇంట్లో వాళ్లను లేపాడు. తర్వాత వారిని అతడు అడిగిన విషయం తెలిస్తే మీరూ షాక్ అవుతారు.

సమయం అర్ధరాత్రి 12కి పైగా

అతని వయస్సు 17 ఏళ్లు. అతను కాలిఫోర్నియాలోని పాల ఆల్టోలోని ఈస్ట్ ఛార్లెస్టన్‌ ప్రాంతంలో ఒక ఇంట్లోకి చొరబడ్డాడు. ఆ ఇంట్లో ఇద్దరు వృద్ధ దంపతులుంటారు. సమయం అర్ధరాత్రి 12కి పైగా కావడంతో వారిద్దరూ నిద్రిస్తున్నారు. మొదట ఇళ్లంతా తిరిగాడు. అతనికి ఏమీ దొరికిలేనట్లున్నాయి. తర్వాత వృద్ధ దంపతుల దగ్గరికి వెళ్లాడు.

అపరిచితున్ని చూసి షాక్ అయ్యారు

బాగా నిద్రపోతున్న వారిని తట్టి లేపాడు. వారు ఉలిక్కి పడి లేచారు. మిడ్ నైట్ ఒక అపరిచితున్ని చూసి వారు షాక్ అయ్యారు. వారి గుండె వేగం పెరిగింది. అతను తమను ఏం చేస్తాడోనని వణికిపోయారు. ఆ యువకుడు తీరిగ్గా నా ఫోన్ లో ఇంటర్నెట్ డేటా అయిపోయింది.

వైఫై పాస్ వర్డ్ చెబుతారా

దయజేసి మీ వైఫై పాస్ వర్డ్ చెబుతారా? అని అడిగాడు. దీంతో ఆ ఇంటి యజమాని ఆందోళన చెందుతూ అతన్ని ఇంటి నుంచి బయటకు తోసేశాడు. ఆ దొంగ పారిపోయాడు. వెంటనే ఇంటి యజమాని పోలీసులకు కంప్లైట్ చేశాడు. పోలీసులు అతన్ని పట్టుకున్నారు. ఆ దొంగ గతంలో ఒక బైక్ ను కూడా దొంగతనం చేశాడు.