Lunar Eclipse on 26 May 2021: త్వరలో తొలి చంద్ర గ్రహణం.. ఈ 5 రాశుల వారు జర భద్రం...!

మేష రాశి..

ఈ ఏడాదిలో జరిగే తొలి చంద్ర గ్రహణం వల్ల ఈ రాశి వారికి ప్రతికూల ఫలితాలు ఎదురవుతాయి. మేష రాశికి అంగారకుడు అధిపతి కాబట్టి ఈ సమయంలో చాలా అప్రమత్తంగా ఉండాలి. ఎందుకంటే ఈ కాలంలో మీకు ఏదైనా హాని కలుగుతుంది. అందువల్ల అవసరమైతే తప్ప మీరు బయటకు రావొద్దు. ఈ సమయంలో భగవంతుడిని స్మరించండి. మీకు ప్రతికూల ప్రభావం తగ్గాలంటే ఈ సమయంలో మీరు హనుమాన్ చాలీసా పఠించడం వల్ల చాలా ప్రయోజనకరంగా ఉంటుంది.

కర్కాటక రాశి..

ఈ రాశి వారిపై తొలి చంద్ర గ్రహణం తీవ్రమైన ప్రభావాలను చూపుతుంది. ఈ కారణంగా మీరు, మీ కుటుంబ సభ్యులు అనారోగ్యం పాలు కావొచ్చు. ఈ సమయంలో మీరు మానసిక ఒత్తిడిని ఎదుర్కోవాల్సి ఉంటుంది. ఈ గ్రహణం ప్రభావాలను నివారించడానికి మీరు ఈశ్వరుడిని స్మరించాలి. చంద్ర గ్రహణం సమయంలో మీరు పంచాక్షరి మంత్రం ఓం నమః శివాయా అని జపించాలి. ఇలా చేయడం వల్ల గ్రహణం ప్రభావాలు తగ్గుతాయి.

సింహ రాశి..

ఈ రాశి వారికి చంద్ర గ్రహణం వల్ల చెడు ప్రభావాలు ఎదురుకావొచ్చు. ఈ సమయంలో ఉద్యోగులకు పనిభారం పెరగొచ్చు. ముఖ్యంగా ఈ సమయంలో మీరు అనేక సవాళ్లను ఎదుర్కోవాల్సి ఉంటుంది. వ్యాపారులు ఈ కాలంలో ఏదైనా పెద్ద పెట్టుబడులు పెట్టడం మానుకోవాలి. మరోవైపు మీరు ఈ సమయంలో ఎవరితోనూ వాదనలు పెట్టుకోకుండా చాలా జాగ్రత్తగా ఉండాలి. గ్రహణం సమయంలో మీరు ఈ మంత్రాన్ని జపించడం వల్ల మీకు ప్రయోజనకరంగా ఉంటుంది.

తుల రాశి..

తొలి చంద్ర గ్రహణం సమయంలో తులరాశి వారికి దుష్ప్రభావాలు ఎదురయ్యే అవకాశాలు ఎక్కువగా ఉన్నాయి. ఈ రాశి శుక్రుడి కంట్రోల్ ఉండటం వల్ల ఈ సమయంలో తుల రాశి వారికి కోపం పెరగొచ్చు. మీరు ఏదైనా పని ప్రారంభిస్తే అది చెడిపోయే అవకాశం ఉంది. కాబట్టి ఈ సమయంలో మీరు చాలా నియంత్రణ కలిగి ఉండాలి. లేదంటే వివాదాలు మరింత ఎక్కువగా పెరగొచ్చు. మీ ఖర్చులు కూడా పెరిగే అవకాశముంది. అంతేకాకుండా లక్ష్మీదేవి మంత్రాన్ని జపించడం వల్ల మీకు ఫలితం ఉంటుంది.

కుంభ రాశి..

తొలి చంద్ర గ్రహణం జరిగే సమయంలో ఈ రాశి వారికి ప్రతికూల ఫలితాలు ఎదురవుతాయి. ఈ సమయంలో మీ బంధాలు కొన్ని చెడిపోవచ్చు. అనుకోకుండా కొన్ని సమస్యలు ఎక్కువగా ఎదురవుతాయి. మీరు కొన్ని కారణాల వల్ల ఆందోళన చెందుతారు. మీ తల్లి ఆరోగ్యం కూడా క్షీణించొచ్చు. అంతేకాకుండా ఈ సమయంలో మీకు మీతో సంబంధం ఉన్న వ్యక్తులు ఎలాంటి అపార్థం లేకుండా వ్యవహరించాలి. మీ భాగస్వామితో రిలేషన్ షిప్ లో చేదు అనుభవం ఉంటుంది. చంద్ర గ్రహణం సమయంలో మీరు మీ మనసులోని శని దేవుడిని తలచుకోవాలి.