Sun Transit in Pisces on 14 March:మీనంలోకి సూర్యుడి సంచారం.. ఈ రాశులకు ప్రతికూలం...!

మేష రాశి..

సూర్యుడు మీన రాశిలోకి ప్రవేశించే సమయంలో ఈ రాశి వారికి శుభప్రదమైన ఫలితాలు ఉంటాయి. ఈ కాలంలో మీరు పనులన్నీ సకాలంలో పూర్తి చేస్తారు. ఈ సమయంలో మీరు శత్రువులపై పూర్తి ఆధిపత్యం చెలాయిస్తారు. మరోవైపు వ్యాపారవేత్తలకు ఈ సమయం ప్రతికూలంగా ఉంటుంది. మీకు కుటుంబ సభ్యులతో కూడా సఖ్యత ఉండకపోవచ్చు.

పరిహారం : ప్రతిరోజూ గాయత్రి మంత్రాన్ని జపిస్తే శుభఫలితాలొస్తాయి.

వృషభ రాశి..

ఈ రాశి వారికి సూర్యుడి సంచారం సానుకూలంగా ఉంటుంది. ఈ సమయంలో వ్యాపారులు అనేక ప్రయోజనాలు పొందుతారు. ఈ సమయం ఉద్యోగులకు కూడా చాలా మంచిగా ఉండొచ్చు. సమాజంలో మీ గౌరవం కూడా పెరుగుతుంది. మీ ప్రేమ జీవితంలో సానుకూల ఫలితాలు వస్తాయి.

పరిహారం : ప్రతిరోజూ సూర్యుని తలచుకుని ధ్యానం చేయండి.

మిధున రాశి..

సూర్యుడు మీన రాశిలోకి ప్రవేశించే సమయంలో ఈ రాశి వారికి చాలా ఆహ్లాదకరంగా ఉంటుంది. మీరు చేసే ప్రతి పనిలో కూడా సానుకూల ఫలితాలను పొందుతారు. ఉద్యోగులకు ఉన్నతాధికారుల నుండి సహకారం లభిస్తుంది. మీకు కుటుంబ జీవితంలో మంచిగా ఉంటుంది. మీ వైవాహిక జీవితంలో అనుకూలంగా ఉంటుంది.

పరిహారం : ప్రతిరోజూ ఉదయాన్నే సూర్య నమస్కారం చేయండి.

కర్కాటక రాశి..

సూర్యుడు మీన రాశిలోకి ప్రవేశించే సమయంలో ఈ రాశి వారికి ఆర్థిక పరంగా చాలా అనుకూలంగా ఉంటుంది. మీరు తీసుకునే ప్రతి నిర్ణయంలో మీకు కుటుంబం మద్దతు ఇస్తుంది. ఈ కాలంలో మీ ప్రయాణం శుభప్రదంగా ఉంటుంది. పని రంగంలో ఉండేవారికి కొత్త అవకాశాలు లభిస్తాయి.

పరిహారం : ప్రతిరోజూ ఉదయాన్నే ‘రామక్రిష్ణ స్తోత్రం'పఠించండి.

సింహ రాశి..

మీన రాశిలోకి సూర్యుడి ఎంట్రీతో ఈ రాశి వారిపై సానుకూల ప్రభావం పడే అవకాశం ఉంది. మీ పనులన్నీ వేగవంతం అవుతాయి. అయితే మీరు భవిష్యత్తు గురించి ఆలోచించి ఆందోళన చెందుతారు. ఈ సమయంలో మీ కోపాన్ని నియంత్రణలో ఉంచుకోవాలి. ఇలాంటి పరిస్థితిలో మీకు మీ జీవిత భాగస్వామి యొక్క పూర్తి మద్దతు లభిస్తుంది.

పరిహారం : ఆదివారం రోజున నాణ్యత గల రూబి రత్నంతో ఉన్న బంగారు లేదా రాగి ఉంగరాన్ని ధరించండి.

కన్య రాశి..

ఈ రాశి వారు సూర్యుడి సంచారం సమయంలో మంచి ఫలితాలను పొందుతారు. అయితే మీరు చాలా కష్టపడాల్సి ఉంటుంది. మీ వైవాహిక జీవితంలో కొన్ని ఒడిదుడుకులు ఎదురవుతాయి. ఈ కాలంలో మీరు చాలా సంయమనంతో పని చేయాలి. మీ ఆరోగ్యాన్ని జాగ్రత్తగా చూసుకోవాలి. ఈ కాలంలో కొత్త వ్యాపారం వంటివి ప్రారంభించడాన్ని వాయిదా వేసుకోవాలి.

పరిహారం : సూర్యోదయం సమయంలో సూర్యమంత్రాన్ని జపించాలి.

తుల రాశి..

సూర్యుడు మీన రాశిలోకి ప్రవేశించే సమయంలో ఈ రాశి వారు శుభ ఫలితాలను పొందుతారు. మీరు చాలా కాలంగా బాధపడుతున్న ఒక దీర్ఘాకలిక వ్యాధి నుండి ఉపశమనం కూడా పొందొచ్చు. ఈ సమయంలో పని చేసే ప్రజలకు చాలా మంచిగా ఉంటుంది. ఈ సమయంలో మీ శత్రువు చాలా చురుకుగా ఉంటారు. కాబట్టి మీరు జాగ్రత్తగా ఉండాలి.

పరిహారం : ప్రతిరోజూ ఉదయాన్నే ‘సూర్యఅష్టకం'ను వినండి లేదా పఠించండి.

వృశ్చిక రాశి..

మీన రాశిలోకి సూర్యుడి సంచారంతో ఈ రాశి వారికి అనుకూలంగా ఉంటుంది. ఈ సమయంలో మీ పనులన్నీ పూర్తవుతాయి. ఈ సమయంలో మీ ఇంట్లోని పెద్దల ఆరోగ్యంపై ప్రత్యేక శ్రద్ధ వహించాలి. వ్యాపారులకు ఈ సమయం ప్రతికూలంగా ఉంటుంది. మీరు ఏదైనా కొత్త ఒప్పందాన్ని ఖరార చేయకూడదు.

పరిహారం : కాపర్ పాత్రలో నీటిని వేసుకుని తాగితే మంచి ఫలితాలొస్తాయి.

ధనస్సు రాశి..

సూర్యుడు మీనరాశిలోకి ఎంట్రీ ఇచ్చే సమయంలో ఈ రాశి వారికి ఒడిదుడుకులు ఎదురవుతాయి. మీ ఇంటి వాతావరణం కూడా ప్రతికూలంగా ఉంటుంది. మీ వైవాహిక జీవితంలో కొన్ని ఇబ్బందులుండొచ్చు. మరోవైపు మీరు ఈ కాలంలో తల్లి ఆరోగ్యం పట్ల ప్రత్యేక శ్రద్ధ వహించాలి.

పరిహారం : ప్రతిరోజూ సూర్య నమస్కారం చేస్తే శుభఫలితాలొస్తాయి.

మకర రాశి..

సూర్యుడు మీన రాశిలోకి ప్రవేశించడం వల్ల ఈ రాశి వారు చాలా విషయాల్లో లబ్ధి పొందే అవకాశం ఉంది. ఈ సమయంలో మీ ఆదాయం పెరిగే అవకాశాలు బలంగా కనిపిస్తున్నాయి. ఈ కాలంలో మీ పనులలో చాలా ప్రయోజనాలు కలుగుతాయి. మీ వైవాహిక జీవితం మధురంగా ఉంటుంది.

పరిహారం : ఎర్ర చీమలకు పిండిని ఆహారంగా ఇస్తే మంచి ఫలితాలు రావొచ్చు.

కుంభ రాశి..

మీనరాశిలోకి సూర్యుడి సంచారం జరిగే సమయంలో ఈ రాశి వారికి మిశ్రమ ఫలితాలు వస్తాయి. అయితే మీ కుటుంబసభ్యులు లేదా స్నేహితుల మధ్య కొన్ని తేడాలు రావొచ్చు. ఈ సమయంలో మీరు మీ ఆరోగ్యంపై ప్రత్యేక శ్రద్ధ వహించాలి. ఆస్తి విషయంలో ఈరోజు మీరు ప్రయోజనం పొందొచ్చు.

పరిహారం : ముఖ్యమైన పనులు చేసేటప్పుడు తండ్రి ఆశీర్వాదం తప్పనిసరిగా తీసుకోవాలి.

మీన రాశి..

సూర్యుడు మీన రాశిలోకి ప్రవేశించే సమయంలో ఈ రాశి వారి ఆరోగ్యం ప్రభావితం అవుతుంది. మీకు ఆరోగ్యానికి సంబంధించిన చిన్న చిన్న విషయాలు కలవరపెడతాయి. మీ శత్రువు చాలా చురుకుగా ఉంటారు. కాబట్టి మీరు జాగ్రత్తగా ఉండాలి. ఈ కాలంలో, మీరు ఏదైనా ముఖ్యమైన నిర్ణయం తీసుకునేటప్పుడు ఆలోచనాత్మకంగా గడపాలి.

పరిహారం : ఆదివారం రోజున ఆవుకు బెల్లాన్ని ఆహారంగా ఇస్తే మంచి ఫలితాలొస్తాయి.