వైజాగ్‌కు వెళ్తున్నారా.. అయితే ఈ ఫుడ్ ఐటెమ్స్ అస్సలే మిస్ కావొద్దు

రాజుగారి దాబా ప్రాన్స్ ఫ్రై:

(image: TripAdvisor)

వైజాగ్‌లోని హోటళ్లు, రెస్టారెంట్లు అందించే బెస్ట్ సీఫుడ్ డిష్‌లలో ఒకటి రాజు గారి దాబా అందించే రొయ్యల వేపుడు. రుషికొండ వద్ద ఉన్న రాజు గారి దాబా బెస్ట్ ఆంధ్రా స్టైల్ వంటకాలను అందిస్తుంది. రాజు గారి దాబాలో ప్రాన్స్ ఫ్రై ప్రతి ఒక్కరూ తప్పకుండా రుచి చూడాల్సిన స్పెషల్ డిష్.

స్పైసీ వెన్యూ ఆప్రికాట్ డిలైట్:

(image: instagram/hyderabadfoodtrip)

ఎండిన ఆప్రికాట్ పండ్లు, తాజా క్రీముతో తయారు చేసిన వైజాగ్ ఆప్రికాట్ డిలైట్ సిగ్నేచర్ ఫుడ్ రుచి చూస్తే వదిలి పెట్టరు. సిరిపురంలోని స్పైసీ వెన్యూలో ఈ ఆప్రికాట్ డిలైట్ దొరుకుతుంది. మంచి భోజనం తర్వాత ఈ ఆప్రికాట్ డిలైట్ ట్రై చేసి చూడండి. మరొకటి కావాలని అడుగుతారు.

రాజు కిచెన్ మటన్ పులావ్:

మటన్ పులావ్ అంటే చాలా మందికి ఇష్టం. అందులోనూ సీతమ్మధారలోని రాజుస్ కిచెన్‌లో దొరికే మటన్ పులావ్ అంటే చాలా మంది లొట్టలేస్తారు. వైజాగ్ వాసుల మదిని దోచుకుంది ఈ మటన్ పులావ్. ఈ మటన్ పులావ్‌ను స్పైసీ గ్రేవీ, రైతాతో తింటే అద్భుతంగా ఉంటుంది.

కామత్ చికెన్ బిర్యానీ:

లాసన్స్ బే కాలనీలో వైజాగ్ కామత్ ఫుడ్ ఐటెంను తప్పకుండా రుచి చూడాల్సిందే. కామత్ వైజాగ్‌లోని ఉత్తమ చికెన్ బిర్యానీని అందిస్తోంది. అరోమాటిక్ రైస్, ఫ్లేవర్డ్ చికెన్‌తో చేసిన అద్భుతమైన బిర్యానీ వైజాగ్ వాసుల మదిని దోచుకుంది. చల్లటి శీతల పానీయంతో కామత్ చికెన్ బిర్యానీ తింటే మామూలుగా ఉండదు. వైజాగ్ వెళ్తే మాత్రం తప్పకుండా కామత్ చికెన్ బిర్యానీ రుచి చూడండి.

నేతి విందు గీ పొంగల్:

(image: CurryTrail)

రాంనగర్ నేతి విందులో దొరుకుతుంది ఈ గీ పొంగల్. తప్పనిసరిగా రుచి చూడాల్సిన ఆహార పదార్థం ఇది. బాగా వండిన అన్నం, పప్పుతో తయారు చేసిన ఈ వంటకాన్ని నెయ్యి తడ్కాతో అందిస్తారు. సాంబార్, కొబ్బరి చట్నీతో ఈ నెయ్యి పొంగల్ తింటే అద్భుతం అనిపిస్తుంది. నేతి విందులో ఈ వంటకం రోజంతా ఏ సమయంలోనైనా అందుబాటులో ఉంటుంది. ఒక్కసారి వెళ్లి రుచి చూడండి. మళ్లీ మళ్లీ వెళ్లి లాగించేయాలనిపిస్తుంది.