Ganga Vilas: అతి పొడవైన రివర్ క్రూయిజ్ జర్నీ.. విలాసం, వినోదం, చుక్కలు చూపించే ధర

భారీ ఓడ, ఎన్నో సౌకర్యాలు:

(image: twitter/tourismgoi)

* ఎంవీ గంగా విలాస్ క్రూయిజ్ 62 మీటర్ల పొడవు ఉంటుంది.

* 12 మీటర్ల వెడల్పు, 1.4 మీటర్ల లోతు ఉంటుంది.

* గంగా విలాస్ క్రూయిజ్‌లో 18 సూట్ రూములు ఉంటాయి.

* గంగా విలాస్‌లో ఒకేసారి 36 మంది ప్రయాణించవచ్చు.

* ఉత్తరప్రదేశ్‌లోని వారణాసి నుండి 3,200 కిలోమీటర్ల దూరంలోని అస్సాం డిబ్రూగర్హ్ వరకు 51 రోజుల్లో వెళ్తుంది.

* ఈ క్రూయిజ్ ప్రయాణించే దారి వెంట ఉండే ప్రాంతాలు వాటి సంస్కృతుల నుండి ప్రేరణ పొంది ఈ నౌకను తీర్చిదిద్దారు. రంగులు, డిజైన్లు వాటి నుండే తీసుకున్నారు.

* గంగా విలాస్ క్రూయిజ్ అత్యంత విలాసంగా ఉంటుంది.

* సీలింగ్ కిటికీల నుండి రోజంతా ప్రకృతి అందాలు చూడవచ్చు.

* లాంజ్‌లో సెమీ స్లీపర్ సీట్లలో కూర్చుని ఎంజాయ్ చేయవచ్చు.

* ప్రయాణికులకు కాలక్షేపం కోసం చాలా సౌకర్యాలు ఉంటాయి.

* గంగా విలాస్ క్రూయిజ్‌లో స్పా, బాడీ మసాజ, జిమ్, సెలూన్ వంటివి కూడా అందుబాటులో ఉంటాయి.

చుక్కలో టికెట్ ధర:

(image: twitter/tourismgoi)

* ఎంతో సౌకర్యవంతంగా, విలాసవంతంగా ఈ క్రూయిజ్‌ను తీర్చిదిద్దారు.

* ఫైవ్ స్టార్ హోటళ్లలో ఉండే సౌకర్యాలు ఇందులో ఉంటాయి. అందుకే టికెట్ ధరలు కూడా భారీగానే ఉంటాయి.

* ఈ క్రూయిజ్‌లో ఒక్కరోజు ప్రయాణించాలంటే రూ. 25 వేల కంటే ఎక్కువ ఖర్చవుతుంది.

* ఈ నౌక మొత్తం 51 రోజుల పాటు సాగుతుంది. 51 రోజుల పాటు ఇందులో గడపాలంటే మాత్రం రూ.12.59 లక్షలు చెల్లించాల్సిందే.

* ఈ ఎంవీ గంగా విలాస్ నౌకను పర్యావరణ అనుకూలంగా తీర్చిదిద్దారు.

* ఈ నౌక నదిలో ప్రయాణించేటప్పుడు ప్రకృతికి ఎలాంటి నష్టం కలిగించకుండా ఉండేలా ప్రత్యేకంగా దీనిని తీర్చిదిద్దారు.

* ఈ నౌక నుండి ఎలాంటి కాలుష్యం వెలువడకుండా జాగ్రత్తలు తీసుకున్నారు.

* శబ్ధం రహితంగా, కాలుష్య రహితంగా సాగుతుంది గంగా విలాస్ ప్రయాణం.

* వీటితో పాటు విలాసవంతమైన సౌకర్యాలు అందుబాటులో ఉంచడంతో టికెట్ ధరలు భారీగా ఉన్నాయి.

ఎక్కడి నుండి ఎక్కడి వరకు వెళ్తుందంటే..

* ఎంవీ గంగా విలాస్ క్రూయిజ్ ప్రయాణం 51 రోజుల పాటు సాగుతుంది.

* వారణాసి నుండి ప్రయాణం ప్రారంభమవుతుంది.

* ఘాజీపూర్, బక్సర్, రామ్‌నగర్ మీదుగా 8వ రోజు పాట్నా చేరుకుంటుంది.

* పాట్నా నుండి పశ్చిమ బెంగాల్‌లోని కోల్‌కతాకు వెళ్తుంది.

* కోల్‌కతా నుండి పక్క దేశం బంగ్లాదేశ్‌లోకి వెళ్తుంది.

* బంగ్లాదేశ్‌లో 15 రోజుల పాటు ఈ క్రూయిజ్ విహరిస్తుంది.

* తర్వాత అస్సాంలోకి ప్రవేశిస్తుంది.

* చివరికి డిబ్రూగర్హ్‌కు చేరుకోవడంతో 51 రోజుల ప్రయాణం ముగుస్తుంది.