Gold: కాస్త తగ్గిన వెండి.. తగ్గేదెలా అంటున్న బంగారం! కొనేందుకు ఇదే సరైన సమయమా?

సాధారణంగా మధ్యతరగతి కుటుంబాల్లో ఏ శుభకార్యం జరిగినా మొదట గుర్తుకు వచ్చేది బంగారం. కానీ, ప్రస్తుతం పసిడి ధరలు చూస్తుంటే సామాన్యులకు అది అందని ద్రాక్షలా మారుతోంది. గత కొన్ని రోజులుగా అంతర్జాతీయ పరిణామాల వల్ల బంగారం (Gold), వెండి(silver) ధరలు రికార్డు స్థాయికి చేరుకున్నాయి. అయితే మళ్లీ ఇప్పుడు తగ్గుముఖం పడుతున్నట్టు కనిపిస్తుంది. మరి నేడు దేశంలోని ప్రధాన నగరాల్లో ధరలు ఎలా ఉన్నాయో, అసలు ఈ పెరుగుదలకు కారణాలేంటో వివరంగా తెలుసుకుందాం.

ధరలు పెరగడానికి ప్రధాన కారణాలు ఏమిటి?

బంగారం ధరలపై అనేక అంతర్జాతీయ అంశాలు ప్రభావం చూపుతున్నాయి. ముఖ్యంగా అమెరికా ఫెడరల్ రిజర్వ్ వడ్డీ రేట్లను తగ్గించడంతో పెట్టుబడిదారులు తమ పెట్టుబడులను బంగారం వైపు మళ్లిస్తున్నారు. ఆసియా, ఆఫ్రికా, మధ్యప్రాచ్యం వంటి దేశాల కేంద్ర బ్యాంకులు భారీగా బంగారాన్ని నిల్వ చేసుకుంటున్నాయి. అంతర్జాతీయ మార్కెట్‌లో డాలర్‌తో పోలిస్తే రూపాయి బలహీనపడటం కూడా దేశీయంగా ధరల పెరుగుదలకు దారితీసింది. ఇక వీటితోపాటు సరఫరా కొరత కూడా ఉంది. తవ్వకాలు సరఫరా గొలుసులో ఏర్పడిన ఆటంకాల వల్ల వెండి సరఫరా తగ్గి, ధరలు పెరిగాయి.

నేటి బంగారం ధరలు (డిసెంబర్ 14)

ప్రస్తుతం దేశవ్యాప్తంగా బంగారం ధరలు(Gold Rates) ఆల్-టైమ్ హైలో కొనసాగుతున్నాయి. తాజా సమాచారం ప్రకారం ధరలు ఇలా ఉన్నాయి..

• 24 క్యారెట్ల బంగారం (10 గ్రాములు): రూ. 1,33,910
• 22 క్యారెట్ల బంగారం (10 గ్రాములు): రూ. 1,22,750
• వెండి ధర (1 కిలో): రూ. 1,98,000

ప్రధాన నగరాల్లో ధరల వివరాలు

పన్నులు, స్థానిక డిమాండ్ ఆధారంగా వివిధ నగరాల్లో ధరల్లో స్వల్ప తేడాలు ఉంటాయి..

• హైదరాబాద్: హైదరాబాద్ లో పది గ్రాముల 24 క్యారెట్ల బంగారం ధర రూ. 1,33,910 ఉండగా, 22 క్యారెట్ల ధర రూ. 1,22,750 గా ఉంది.
• విజయవాడ: విజయవాడలో కూడా 24 క్యారెట్ల బంగారం ధర రూ. 1,33,910 , 22 క్యారెట్ల ధర రూ. 1,22,750 వద్ద కొనసాగుతోంది.
• చెన్నై: చెన్నైలో ధరలు కాస్త ఎక్కువగా ఉన్నాయి. ఇక్కడ 24 క్యారెట్ల ధర రూ. 1,34,950 కాగా, 22 క్యారెట్ల ధర రూ. 1,23,700 గా నమోదైంది.
• ముంబై: దేశ ఆర్థిక రాజధాని ముంబైలో 24 క్యారెట్ల పసిడి ధర రూ. 1,33,910 , 22 క్యారెట్ల ధర రూ. 1,22,750 గా ఉంది.
• బెంగళూరు: బెంగళూరు నగరంలో కూడా 24 క్యారెట్ల ధర రూ. 1,33,910 ఉండగా, 22 క్యారెట్ల ధర రూ. 1,22,750 వద్ద స్థిరంగా ఉంది.

విశ్లేషకులు ఏమంటున్నారు?

మార్కెట్ నిపుణుల అభిప్రాయం ప్రకారం.. ఈ పెరుగుదల కేవలం తాత్కాలికం కాదు. ప్రపంచవ్యాప్తంగా ఉన్న భౌగోళిక రాజకీయ అనిశ్చితులు, ఆర్థిక మార్పుల వల్ల ధరలు మరింత పెరిగే అవకాశం ఉందే తప్ప, ప్రస్తుతానికి తగ్గే సూచనలు కనిపించడం లేదు. గత 40 ఏళ్లలో ఎన్నడూ లేని విధంగా పసిడి ధరలు ఈ స్థాయికి చేరడం ఇన్వెస్టర్లను ఆశ్చర్యానికి గురి చేస్తోంది. బంగారం కొనాలనుకునే వారు ఈ ఒడిదుడుకులను గమనిస్తూ సరైన సమయంలో నిర్ణయం తీసుకోవడం ఉత్తమం.

వెండి ధరల రికార్డు..

ఇక వెండి ధరల విషయానికొస్తే రెండు రోజుల క్రితం రూ. 2 లక్షల మార్క్ ను అందుకున్న వెండి.. ఇప్పుడు కాస్త తగ్గుముఖం పట్టినట్టు కనిపిస్తుంది. బంగారం కంటే వెండి ధరల్లో మార్పులే దేశవ్యాప్తంగా సామాన్యులకు షాక్ ఇస్తున్నాయి. పారిశ్రామిక డిమాండ్ కారణంగా వెండి ధరల్లో ఇలా మార్పులు కనిపిస్తున్నాయి. ప్రస్తుతం కిలో వెండి ధర రూ. 1,98,000 వద్ద ఊగిసలాడుతోంది.

Credit: Goodreturns