కుప్పకూలిన బంగారం ధరలు.. !!

దేశీయ బులియన్ మార్కెట్ లో బంగారం, వెండి ధరలు భారీగా తగ్గుముఖం పట్టాయి. ప్రారంభ ట్రేడింగ్ లో కుప్పకూలాయి. స్పాట్ మార్కెట్‌లో డిమాండ్ మందగించడంతో మల్టీ కమోడిటీ ఎక్స్ఛేంజ్ (MCX)లో పసిడి ధరలు ఒక్కసారిగా క్షీణించాయి. 10 గ్రాముల బంగారం 0.69 శాతం మేర తగ్గింది. 1,54,820 రూపాయల వద్ద ట్రేడ్ అవుతోంది. చివరి ట్రేడింగ్ సెషన్ తో పోల్చుకుంటే 3,000 రూపాయలకు పైగా బంగారం ధరలో తగ్గుదల కనిపించింది. అదే విధంగా వెండి రేటు కూడా పడిపోయింది. 3.07% తగ్గి 2,36,851 వద్ద స్థిరపడింది.

మరోవైపు దేశ ఆర్థిక రాజధాని ముంబైలో స్పాట్ మార్కెట్‌లో 24 క్యారెట్ల బంగారం ధర 10 గ్రాములకు రూ. 1,56,500కి చేరగా, 22 క్యారెట్ల బంగారం రూ. 1,43,400 పలుకుతోంది. దేశంలోని ప్రధాన నగరాలలో ధరలు విభిన్నంగా ఉన్నాయి. ఢిల్లీ, జైపూర్‌లలో 22 క్యారెట్ల బంగారం 1,43,100 రూపాయలు, 24 క్యారెట్లు 1,56,000గా రూపాయలుగా నమోదయ్యాయి. అహ్మదాబాద్‌లో 22 క్యారెట్ల బంగారం రూ. 1,43,300, 24 క్యారెట్ల బంగారం రూ.1,56,000కు చేరింది.

పూణే, హైదరాబాద్, చెన్నై, బెంగళూరు, కోల్‌కతా వంటి నగరాల్లో 22 క్యారెట్లకు రూ. 1,43,400, 24 క్యారెట్లకు రూ. 1,56,500 వసూలు చేస్తున్నారు. కిందటి నెలలో బంగారం ధర పది గ్రాములకు రూ.1,80,000 మించిన విషయం తెలిసిందే. ఇది ఆల్‌టైమ్ గరిష్ఠ స్థాయిని తాకింది. వెండి ధర కూడా కిలో రూ. 4,20,000తో రికార్డు స్థాయికి చేరింది. దీని తర్వాత ఈ రెండింటి రేట్లూ తగ్గుముఖం పట్టాయి. అంతర్జాతీయ మార్కెట్ ధరలు, దిగుమతి సుంకాలు, పన్నులు, మారకపు రేట్లలో హెచ్చుతగ్గులు బంగారం ధరలను ప్రభావితం చేస్తాయి.

ప్రధాన నగరాల్లో నేటి బంగారం ధరలు (గ్రాముకు)

చెన్నై..

24 క్యారెట్లు- రూ. 15,753, 22 క్యారెట్లు - రూ. 14,440, 18 క్యారెట్లు - రూ. 12,350

ముంబై..

24 క్యారెట్లు - రూ. 15,644, 22 క్యారెట్లు- రూ. 14,340, 18 క్యారెట్లు - రూ. 11,733

బెంగళూరు..

24 క్యారెట్లు - రూ. 15,644, 22 క్యారెట్లు- రూ. 14,340, 18 క్యారెట్లు - రూ. 11,733

హైదరాబాద్..

24 క్యారెట్లు - రూ. 15,644, 22 క్యారెట్లు- రూ. 14,340, 18 క్యారెట్లు - రూ. 11,733

విజయవాడ..

24 క్యారెట్లు - రూ. 15,644, 22 క్యారెట్లు- రూ. 14,340, 18 క్యారెట్లు - రూ. 11,733

విశాఖపట్నం..

24 క్యారెట్లు - రూ. 15,644, 22 క్యారెట్లు- రూ. 14,340, 18 క్యారెట్లు - రూ. 11,733

Credit: Oneindia