బంగారం ధరల షాక్! కొత్త ఏడాదిలో దిగివస్తున్న పసిడి.. కొనేందుకు ఇదే సరైన సమయమా?

గత కొద్ది రోజులుగా ఆకాశమే హద్దుగా దూసుకుపోయిన బంగారం ధరలు (gold rates) ఇప్పుడు ఒక్కసారిగా దిగివస్తున్నాయి. 2025 చివరలో ఆల్‌టైమ్ హై రికార్డులను సృష్టించిన పసిడి.. 2026 కొత్త ఏడాది ప్రారంభంలో ఇన్వెస్టర్లకు, సామాన్య ప్రజలకు ఊరటనిస్తోంది. ముఖ్యంగా జనవరి 2వ తేదీ శుక్రవారం నాడు దేశీయ బులియన్ మార్కెట్‌లో బంగారం, వెండి ధరలు గణనీయంగా తగ్గుముఖం పట్టాయి.

నేటి బంగారం, వెండి ధరలు ఇలా..

ప్రస్తుతం మార్కెట్ ట్రెండ్‌ను పరిశీలిస్తే.. 24 క్యారెట్ బంగారం 10 గ్రాముల ధర సుమారు రూ. 1,37,320 వద్ద ఉండగా.. ఆభరణాల తయారీకి వాడే 22 క్యారెట్ బంగారం ధర రూ. 1,24,200 గా నమోదైంది. వెండి విషయానికొస్తే, ఒకప్పుడు కిలో రూ. 2.50 లక్షల మార్కును తాకిన వెండి.. ప్రస్తుతం రూ. 2,36,498 వద్ద ట్రేడవుతోంది. నిన్నటితో పోలిస్తే ఇది స్పష్టమైన తగ్గుదలగా మార్కెట్ నిపుణులు చెబుతున్నారు.

ధరలు తగ్గడానికి కారణాలేంటి?

అంతర్జాతీయ మార్కెట్‌లో చోటుచేసుకున్న పరిణామాలే ఈ తగ్గుదలకు ప్రధాన కారణం.

• ప్రాఫిట్ బుకింగ్(Profit Booking): గత ఏడాది బంగారం ఏకంగా 70% మేర లాభాలను ఇవ్వడంతో.. కొత్త ఏడాదిలో ఇన్వెస్టర్లు తమ లాభాలను నగదు రూపంలోకి మార్చుకుంటున్నారు.
• అంతర్జాతీయ మార్కెట్: అంతర్జాతీయంగా స్పాట్ గోల్డ్ ధర ఒక ఔన్స్‌కు 4,550 డాలర్ల నుంచి 4,339 డాలర్లకు పడిపోయింది.
• ఫెడ్ రేట్లు: యూఎస్ ఫెడరల్ రిజర్వ్ వడ్డీ రేట్ల తగ్గింపు మరియు డాలర్ విలువలో మార్పులు కూడా బంగారంపై ప్రభావాన్ని చూపుతున్నాయి.

ప్రధాన నగరాల్లో ధరలు..

దేశంలోని ప్రధాన నగరాల్లో బంగారం ధరలు (gold rates) (10 గ్రాములకు) వివరాలు ఇలా ఉన్నాయి..

• హైదరాబాద్: 24 క్యారెట్ ధర రూ.1,35,070 కాగా, 22 క్యారెట్ ధర రూ.1,23,810 గా ఉంది.
• విజయవాడ/విశాఖపట్నం: 24 క్యారెట్ ధర రూ.1,35,070 కాగా, 22 క్యారెట్ ధర రూ.1,23,810 గా ఉంది.
• చెన్నై: 24 క్యారెట్ ధర రూ.1,36,130 కాగా, 22 క్యారెట్ ధర రూ.1,24,390 గా ఉంది.
• బెంగళూరు: 24 క్యారెట్ ధర రూ.1,35,070 కాగా, 22 క్యారెట్ ధర రూ.1,23,810 గా ఉంది.
• ఢిల్లీ: 24 క్యారెట్ ధర రూ.1,35,220 కాగా, 22 క్యారెట్ ధర రూ.1,23,960 గా ఉంది.
• ముంబై: 24 క్యారెట్ ధర రూ.1,35,070 కాగా, 22 క్యారెట్ ధర రూ.1,23,810 గా ఉంది.

భవిష్యత్తులో ధరలు ఎలా ఉండొచ్చు?

ప్రస్తుతం ధరలు తగ్గినప్పటికీ.. దీర్ఘకాలికంగా బంగారంపై దృక్పథం పాజిటివ్‌గానే ఉంది. గోల్డ్‌మన్ సాక్స్, బ్యాంక్ ఆఫ్ అమెరికా వంటి అంతర్జాతీయ సంస్థల అంచనా ప్రకారం.. 2026 చివరి నాటికి బంగారం ధరలు మళ్ళీ పుంజుకుని కొత్త రికార్డులను సృష్టించే అవకాశం ఉంది. డాలర్ బలహీనపడటం, గ్లోబల్ ఆర్థిక అనిశ్చితులు పసిడికి మద్దతుగా నిలుస్తున్నాయి. కాబట్టి ఆభరణాలు కొనాలనుకునే వారికి లేదా పెట్టుబడి పెట్టాలనుకునే వారికి ఈ స్వల్ప ధరల తగ్గుదల ఒక మంచి అవకాశంగా భావించవచ్చు. అయితే బంగారంలో పెట్టుబడి పెట్టేవాళ్లు అర్థిక సలహాదారుల సూచన మేరకు నిర్ణయం తీసుకోవడం మంచిది.

Credit: Goodreturns