కుప్పకూలుతున్న బంగారం ధరలు

By Chandrasekhar Rao

Published: Thursday, February 26, 2026, 9:51 [IST]

దేశంలో బంగారం, వెండి ధరలు భారీగా తగ్గాయి. అయిదో రోజుల పాటు చుక్కలు చూపిన పసిడి రేట్లు నేడు పడిపోయాయి. బుధవారం నాటితో పోల్చుకుంటే మల్టీ కమోడిటీ ఎక్స్ఛేంజ్ (MCX)లో తక్కువకు ట్రేడ్ అయ్యాయి. అంతర్జాతీయంగా ధరల తగ్గుదల ప్రభావం దేశీయ బులియన్ మార్కెట్ పడింది. అయిదారు రోజుల సుదీర్ఘ ర్యాలీ తర్వాత పెట్టుబడిదారులు లాభాలను స్వీకరించడం ఇందుకు ప్రధాన కారణం.

దేశీయ ఫ్యూచర్స్ మార్కెట్‌లో 24 క్యారెట్ల 10 గ్రాముల బంగారం రూ.1,60,516 వద్ద ట్రేడ్ అయింది. ఇది మునుపటి ముగింపు ధరతో పోలిస్తే 0.40 శాతం తగ్గుదల కనిపించింది. వెండి రేట్లు కూడా నేడు తగ్గాయి. కిలో వెండి 1.19 శాతం తగ్గి రూ.2,65,121కి చేరుకుంది. కిందటి నెలలో బంగారం 10 గ్రాములకు రూ. 1,80,000 ఆల్‌టైమ్ హై, వెండి కిలోకు రూ. 4,20,000తో రికార్డు స్థాయికి చేరిన విషయం తెలిసిందే. ఆ తరువాత క్రమంగా తగ్గుతూ వచ్చాయి. ఇప్పుడు మళ్లీ అదే బాట పట్టాయి.