ఒకవైపు ఉద్యోగం.....మరోవైపు పసిబిడ్డ సంరక్షణ.....!

Baby

oi-Nageswara Sharma

By B N Sharma

Published: Monday, August 22, 2011, 14:38 [IST]

పనికి వెళ్ళే మహిళలు వారు లేనపుడు తమ పిల్లలు ఎలా మసలుకోవాలనేది నేర్పించాలి. ఇటువంటి అంశాలు చెపటం తేలికే కాని వాస్తవంలో కొంచెం కష్టంగానే వుంటాయి. బిడ్డ పుట్టిన తర్వాత మీరు పనికి వెళుతుంటే, దానికి ముందుగా మీ కొరకు బిడ్డ కొరకు కొన్ని ఏర్పాట్లు చేసుకోవాలి. గతంలో మీకు పని ఒకటే. కాని ఇపుడు దానికి బిడ్డ సంరక్షణా భారంకూడా తోడయింది. రెండు భాధ్యతల మధ్య సంయమనం కుదుర్చుకోవాలి. కుటుంబంలోకి వచ్చింది ఒక్క బిడ్డ అయినా పదిమంది వచ్చినంత ఆనందం వుంటుంది. ఇక మీ బిడ్డ మీ పూర్తి దృష్టి అతనిపై వుండాలని కోరుతూనే వుంటాడు. ప్రతి దానికి పూర్తిగా మీ మీదే ఆధారం. ఒక వేళ ఆలస్యంగా లేస్తే, మీ భర్త విషయంలో మీరు భోజనాన్ని ఆఫీస్ కు అందించచ్చు. కాని మీ చిన్నారి మీరు పనికి వెళ్ళిపోతూంటే కనీసం తన అసమ్మతిని కూడా తెలియజేయలేడు. కనుక కొత్తగా జన్మనిచ్చిన తల్లులూ, బిడ్డ విషయంలో దిగువ చిట్కాలను పాటించి తేలికవండి. పనికి వేళ్ళేటట్లయితే మీ చిన్నారికి ముందుగా తెలియజేయండి. చిన్నారి సరిగా అర్ధం చేసుకోలేదని భావిస్తున్నారా? లేదు....ఇంట్లో మీరు లేకపోవటమే పసివాడికి అంతా అర్ధంఅయిపోతుంది.

వారికి అర్ధమయే భాషలో మీకు బయటగల పనులను వివరించండి. ఒక తల్లిచీమ పిల్ల చీమను వదిలి ఆహారం కొరకు బయటకు వెళుతూంటుందనేది ఒక కధగా చెప్పండి. వినటానికి ఇది అతిశయోక్తిగా వున్నప్పటికి, బిడ్డ ఆలోచనా ప్రక్రియపై ప్రభావం చూపి బిడ్డ మార్పును ఆమోదించేలా చేస్తుంది.

తల్లి ఉద్యోగానికి వెళ్ళినపుడు, బిడ్డ జాగ్రత్తకై ఒకరుండాలి. సాధారణంగా మనం అధికభాగం బిడ్డ మనతో వుండాలని భావిస్తాం. కాని ఈ చర్య ఒకోసారి ఎంతో అసౌకర్యాన్ని కలిగిస్తుంది. మీరు పనికి వెళుతున్నపుడు ఆ పరిస్ధితులకు మార్పు చెందటానికి బేబీకి కొంత సమయం పడుతుంది. ఎంతో మాయ చేయాలి, బిడ్డ వ్యతిరేకిస్తూవుంటుంది. కాని మీరు తప్పక ఉద్యోగానికి వెళ్ళి మార్పు బిడ్డకు మీకూ సులభంగా వుండేలా చూసుకోవాలి. మహిళా పనివారికి పిల్లలకు తల్లిపాలు ఆహారంగా ఇవ్వటం కష్టమే. మీ పిల్లవాడికి మెల్లిగా ఈ అలవాటును మార్చండి.

మీ పని భాధ్యతలను, బేబీ పుటుకతో వచ్చిన కుటుంబ భాధ్యతలను రెంటినీ సమర్ధవంతంగా నిర్వహించాలంటే కొన్ని అంశాలు చూసి చూడనట్లు వదిలెయ్యాలి. ముఖ్యంగా చిన్న చిన్న తప్పులకు బేబీని సంరక్షించే ఆయాలపై కోపం చూపకండి. లేదా ఇల్లంతా చిందర వందరగా వుంటే కేకలు పెట్టకండి. ఈ రకమైన ఓర్పు ఇంటిలో మీ ప్రశాంతతను కొనసాగించగలదు.