బేబీల చలికాలం జాగ్రత్తలు!

- చర్మాన్ని బిరుసుదనం నుండి రక్షించడానికి బేబీ చర్మంపై మంచి నాణ్యతగల మాయిశ్చరైజర్ రాయండి.
- బేబీకి స్నానం చేయించిన వెంటనే చల్లని గాలిలో తిప్పకండి. ఇలా చేస్తే చర్మం మరింత బిరుసుగా మారుతుంది. బిడ్డ అసౌకర్యం భావించి ఏడ్చే అవకాశం కూడా వుంది.
- మాయిశ్చరైజర్ రాస్తున్నపుడు అది బిడ్డ కళ్ళలోకి లేదా నోటిలోకి పోకుండా జాగ్రత్త పడండి. అవసరమనిపిస్తే పిల్లల నిపుణుల సలహాతో బిడ్డ చర్మానికి సరిపడే మాయిశ్చరైజర్ క్రీము మాత్రమే ఉపయోగించండి.
- అప్పుడే పుట్టిన బిడ్డ శరీరం చాలా సెన్సిటివ్ గా ఉంటుంది. అలాంటి బిడ్డకు జబ్బులు రాకుండా ఉండాలంటే చేతులు శుభ్రంగా కడుక్కున్న తర్వాతే వారిని ముట్టుకోండి.
- అపుడే పుట్టిన బిడ్డను ముద్దు పెట్టుకోవద్దు. లేదా ఇతరుల చేతులకు ఇవ్వవద్దు.
- నాణేలు, నోట్లు వంటివి బిడ్డ చేతిలో పెట్టకండి. వీటి ద్వారా సూక్ష్మజీవులు బిడ్డకు అంటి వ్యాధులు కలిగే ప్రమాదం వుంది.
- బిడ్డ ఉండే గదిలో మస్కిటో కాయిల్ లేదా ఇతర లిక్విడ్ వంటివి వాడకండి. ఘాటైన ఈ రసాయనాలు వారికి ఎలర్జీలు కలిగించే అవకాశం వుంది.