తల్లిపాలు మగబిడ్డలకు అధిక లాభం!

Baby

oi-Nageswara

By B N Sharma

Published: Thursday, February 2, 2012, 14:02 [IST]

తల్లిపాలు బిడ్డలకు మెదడు ఎదుగుదల మరియు తెలివితేటలు అధికం చేయటానికి నిస్సందేహంగా ఉపయోగపడతాయి. అయితే తల్లిపాలు తాగితే మగ పిల్లలకు ఆడ పిల్లలకంటే కూడా అధిక ప్రయోజనం చేకూరుతుందని, ప్రత్యేకించి వీరికి 10 సంవత్సరాల వయసు వచ్చేసరికి ఆ లాభం బయటపడుతుందని రీసెర్చర్లు చెపుతున్నారు. పిల్లలు, సాధారణంగా, 6 నెలలకు మించి తల్లిపాలు తాగితే, తెలివితేటలు బాగా వుంటాయని చెపుతారు. అయితే, లెక్కలు వేయటంలోను, చదువు, వ్రాయటం, స్పెల్లింగ్ లు మొదలగువాటిలో తల్లిపాలు తాగిన మగ బిడ్డల మెదడు బాగా పని చేస్తోందని రీసెర్చి తెలిపింది.

10 సంవత్సరాల వయసులో, సాధారణంగా బాలికలు, బాలుర కంటే కూడా శారీరకంగా వేగవంతంగా ఎదుగుదల చూపుతారు. అయితే, బాలురు ఇదే సమయంలో తమ బ్రెయిన్ లోను, తెలివితేటలలోను అధిక లాభం పొందుతారట. వెస్ట్రన్ ఆస్ట్రేలియా యూనివర్శిటి రీసెర్చర్లు ఈ స్టడీ లో షుమారు 1000 మంది పిల్లలను 10 సంవత్సరాల వయసు వారిని వారు తల్లిగర్భంలో వున్న 18 వారంనుండి స్టడీ చేశారు.

పరిశోధనలో తల్లిపాలలోని నీరు బాలికలకంటే కూడా బాలుర బ్రెయిన్ డెవలప్ మెంట్ కు అధికంగా సహకరించిందని తేలినట్లు పేడియాట్రిక్స్ జర్నల్ ప్రచురించింది. దీనికి కారణం తల్లిపాలలోని కొన్ని పదార్ధాలను బాలికలలోని రక్షిత హార్మోన్లు వారిలో ప్రవేశానికి నిషేధించటమేనని కూడా రీసెర్చి తెలిపింది.