ముద్దులొలికే బేబీకి ముచ్చటైన దుస్తులు!

By B N Sharma

Published: Tuesday, February 7, 2012, 10:20 [IST]

గతంలో ఫ్యాషన్ అంటే పెద్దలకు మాత్రమే. కాని నేడు పుట్టిన పసి బిడ్డనుండి వివిధ రకాల ఫ్యాషన్ దుస్తులు వేయటం అందరికి అలవాటైపోయింది. కేవలం పసిబిడ్డలను మాత్రమే దృష్టిలో పెట్టుకొని తయారీదారులు కూడా తమ ఉత్పత్తులు అందిస్తున్నారు. తల్లితండ్రులు తమ బిడ్డల అవసరాల కొరకు ఒక్క స్టోర్స్ సందర్శిస్తే చాలు, బిడ్డకు అవసరమయ్యే అన్ని రకాల దుస్తులే కాక ఇతర ఫ్యాషన్ వస్తువులు, బిడ్డకు షూస్, టోపీలు, స్వెట్టర్స్, జాకెట్స్, మొదలైనవి కూడా లభిస్తాయి. అయితే, బిడ్డలకు కావాల్సిన అవసరాలకు గాను ఏ రకమైన బ్రాండ్లు కొనుగోలు చేయాలి? ఎక్కడ కొనుగోలు చేయాలి అనేది పరిశీలిద్దాం.

ఆదిదాస్ - ఈ బ్రాండ్ దుస్తులు ధరించటానికి సౌకర్యంగానే కాదు మంచి నాణ్యతగల గుడ్డవిగా కూడా వుంటాయి. లూజుగా వుండే సౌకర్యవంతమైన ట్రాక్ సూట్లు, జాకెట్లు ఆకర్షణీయమైన రంగుల్లో లభిస్తాయి. బేబీలకు, పిల్లలకు చిన్నపాటి నిక్కర్లు కూడా వుంటాయి.

టామీ హిల్ఫిజర్ - బేబీ దుస్తులు, ట్రెండీగాను, ఫ్యాషన్ గాను వుండాలంటే, ఈ బ్రాండ్ దుస్తులు చాలా బాగుంటాయి. ఇవి అమెరికా దేశ డిజైనింగ్ దుస్తులు పెద్దలకు కూడా వీటిలో దొరుకుతాయి. సెంట్లు, వాచీలు, మొదలైనవి కూడా టామీ హిల్ఫిజర్ స్టోర్స్ లో దొరుకుతాయి.

రాల్ఫ్ లారెన్ - ప్రపంచంలోనే ఖ్యాతిగాంచిన డిజైనర్ దుస్తులు వీరు తయారు చేస్తారు. మీ మగబిడ్డను ఒక మంచి గోల్ఫ్ ఆటగానిగా చూడాలంటే వీరి వద్ద సంబంధిత దుస్తులు కొనుగోలు చేయండి. పిల్లలకు ఈ బ్రాండ్ దుస్తులు ఎంతో సౌకర్యంతో బాటు మరింత అందాన్ని సంతరించిపెడతాయి.