బేబీ పుట్టగానే మీ భావనలు ఎలా వుంటాయి?

Baby

oi-Nageswara

By B N Sharma

Published: Friday, May 25, 2012, 9:45 [IST]

బేబీ పుట్టడమనేది జీవితాన్ని మార్చివేసే ఒక పెద్ద మార్పు. మీకు ఈదశలో వచ్చే వివిధ రకాల భావనలకు ఆశ్చర్యపడకండి. మీ భావనలలో గొప్పగా భావించటం దగ్గరనుండి అంతులేని ఆనందం, ఆందోళన ఎన్నో వుంటాయి. మీ భావనలు అకస్మాత్తుగా అనుకోని విధంగా మారిపోతూంటాయి. అంతేకాక తల్లి అపుడే శారీరకంగా కొంచెం కుదుటపడుతుంది. అయితే ఆమె పూర్తిగా అలసి వుంటుంది. ఆమెకే కాదు తండ్రికి కూడా అలసిపోయి నిద్రకు ఇంతకాలం దూరమయ్యామన్న భావన కలుగుతుంది.

ఈ సమయంలో ప్రతి తల్లితండ్రి ఎంతో విభిన్నంగా స్పందిస్తారు. కొంతమంది తల్లులు, తమ శిశువును చూడగానే తాను పడ్డ కాన్పు నొప్పులన్నీ మరచిపోతారు. బిడ్డను చూసి కొంతమందికి ఎంతో శక్తి వస్తుంది. మరికొంతమంది విచారం పొందుతారు. కొంతమందికి ప్రసవానంతర మనోవేదన వస్తుంది. బేబీ భూమి మీద పడగానే తల్లితండ్రులలో ఏర్పడే భావావేశాలకు ఒకవైద్యుడు, నర్సు లేదా కౌన్సెలర్ వంటి వారు చక్కని అవగాహన నీయగలరు.

స్నేహితులతో, ఇతర కుటుంబ సభ్యులతో తల్లితండ్రులు తమ భావాలను ఎలా పంచుకోవాలి? మీకు బిడ్డ పుట్టాడన్న వార్త ప్రపంచానికంతకూ తెలియపరచవలసిందే. అయితే, బిడ్డ పుట్టిన మొదటి రోజు ఎవరైనా సరే పెద్ద ప్రచారం ఇవ్వకుండా సింపుల్ గా వుండాలి. సన్నిహిత స్నేహితులకు కుటుంబ సభ్యులకు మాత్రమే తెలియపరచి ఆ సమాచారం ఇతర స్నేహితులకు, బంధువులకు తెలియపరచమనాలి. దీనితో మీరు మీ శిశువుకు అధిక సమయం కేటాయించగలరు.

మీకు ప్రియులైన వారు మీ బేబీని మొదటి రోజే చూడవచ్చు. గ్రాండ్ పేరెంట్స్ లేదా సోదరుల వంటివారు శిశువును చూడవచ్చు. అపుడే బంధం పెనవేయటం మొదలుపెట్టవచ్చు. కాని అధికమైన సందర్శకులకు అవకాశమివ్వకండి. బేబీ మొదటి రోజు ప్రశాంతంగా, హడావుడిలేకుండా వుండాలి. ఈ సమయంలో తల్లితండ్రులు, బేబీ అధిక సమయం కలిసి వుండి బంధం ఏర్పరచుకోవాలి.

మొదటి కొద్ది వారాలు సందర్శకులను కనీస స్ధాయిలో వుంచి బేబీకి ఇన్ఫెక్షన్లు రాకుండా చూడండి. వచ్చి చూసే వారు జబ్బు పడనివారుగా వుండాలి. బేబీని దూరం నుండి చూడాలి లేదా స్పర్శించాలంటే, చేతులు శుభ్రంగా కడుగుకొనాలి. బేబీ ముందస్తుగా పుట్టిన సమస్య వుంటే, ఈసమయం మరింత జటిలంగా వుంటుంది. హాస్పిటల్ సిబ్బంది చెప్పిన విధంగా జాగ్రత్తలు పాటించాలి. వైద్య సిబ్బంది మీ అవసరాలకు వెంటనే స్పందిస్తారు. తరచుగా వైద్యులతో సంభాషించండి. ఈ సమయంలో మీకు ఏ సహాయం కావలసి వచ్చినా తగిన వారిని సంప్రదించండి.

బేబీ పుట్టిందంటే మీరు కొత్త జీవిత దశలోకి అడుగుపెట్టినట్లే. ఈ కొత్త ఆరంభానికిగాను బేబీ మొదటి రోజునుండే మీరు కృషి చేయండి.