శిశువులతో ఆట పాటలు!

ఎవ్వరూ వారిని పలకరించకపోతే, శిశువులకు చాలా బోర్ గా వుంటుంది. ఈ పరిస్ధితి బేబీకి ఒత్తిడినిచ్చి బ్రెయిన్ అభివృద్ధిని అడ్డగిస్తుంది. శిశువును ఎలా అలరించాలి? కౌగిలించుకోవడం, నవ్వడం, మాట్లాడటం వంటివి చేయాలని పిల్లల మానసిక వేత్తలు చెపుతారు. బేబీతో కలిసి బేబీకి తెలియకపోయినా సరే ఆటలు ఆడండి, టెలివజన్ చూపండి, అయితే త్వరిత సంభాషణలు బేబీకి ఒత్తిడి కలిగిస్తాయి.

బేబీ తల నిటారుగా పెట్టేందుకు ఏదేని సపోర్టు వాడండి. బేబీ మెళుకువగా వున్నపుడు పాటలు వంటివి వినిపిస్తూ ఆసక్తి కలిగే చిత్రాలు చూపండి. తల్లి తన పనులు చేసుకుంటూనే బిడ్డకు దగ్గరగా మెలగాలి. తల నిలపగలిగితే బేబీని సమీప దుకాణాలకు కూడా తీసుకు వెళ్ళవచ్చు. బేబీ విభిన్న పరిస్ధితులు గ్రహిస్తుంది.

మెళుకువగా వుండేటపుడు బేబీని నలుగురూ తిరిగే హాలు వంటి ప్రదేశాలలో వుంచితే, ఒంటరితనం భావించకుండా అందరి గొంతులు బాగా వింటుంది. బేబీకి అర్ధం కాకపోయినప్పటికి, బొమ్మలు, ఆటలు, పాటలు వంటివి ఆడుతూనే వుండాలి. ప్రతిగా బేబీ బాగా స్పందించి అవగాహన చేసుకోడానికి ప్రయత్నించి తన మెదడు అభివృద్ధి పరచుకుంటుంది.