పిల్లలు ముద్దుగా బొద్దుగా వుంటే.... !

Baby

oi-Nageswara

By B N Sharma

Published: Tuesday, January 24, 2012, 12:38 [IST]

పిల్లలు చిన్నతనంలో బొద్దుగా, లావుగా వుంటే వీరు టీనేజ్ కు వచ్చే సరికి అధిక రక్తపోటు, గుండె సంబంధిత వ్యాధులు పొందుతారని ఒక స్టడీ చెపుతోంది. రీసెర్చర్లమేరకు 9 నుండి 12 సంవత్సరాల వయసున్న అధిక బాడీ మాస్ ఇండెక్స్ పిల్లలు కొల్లెస్టరాల్, బ్లడ్ ఇన్సులిన్ లెవెల్స్, అధిక రక్తపోటు వంటివి కలిగి వుంటారని, ఇవి క్రమేణా భవిష్యత్ జీవితంలో వారికి గుండెసంబంధిత సమస్యలు తెచ్చిపెడతాయట.

పరిశోధనలో బ్రిస్టల్ యూనివర్శిటీ ప్రొఫెసర్ డేబీ లాలర్, ఆయన సహచరులు షుమారు 5,000 మందికి పైగా పిల్లలను అధ్యయనం చేశారు. పిల్లలను సుమారుగా వారు పుట్టినప్పటినుండి స్టడీ చేశారట. 9 నుండి 12 సంవత్సరాల వయసు కల ఈ పిల్లలకు నడుము కొలత, కొవ్వు వంటి బాడీ మాస్ ఇండెక్స్ పరిశీలించారు. బాడీ మాస్ ఇండెక్స్ ఒక వ్యక్తి ఎత్తు, బరువులను బట్టి పొందుతారు. సాధారణంగా పిల్లలకు వారి జండర్ అంటే లింగం మరియు వయసులను పరిగణలోనికి తీసుకుంటారు. ఈ పరిశోధనలో బాలుర కంటే కూడా బాలికలకు అధిక బాడీ మాస్ ఇండెక్స్ వున్నట్లు తేలింది.

ఈ పిల్లలు యుక్తవయసు అంటే 15 నుండి 16 సంవత్సరాల వయసు వచ్చేసరికి వీరికి పరిగణించదగిన స్ధాయిలో రక్తపోటు వచ్చేసింది. ఇన్సులిన్ స్ధాయి, కొల్లెస్టరాల్ గ్లూకోజ్ వంటివి కూడా పెరిగి వీరు గుండె జబ్బులకు దగ్గరలో వున్నారని రీసెర్చి తెలిపింది. అధిక బరువు పొందిన ఈ పిల్లలలో రక్తనాళాలు గట్టిపడటం కూడా రీసెర్చర్లు గమనించారు. భవిష్యత్తులో పిల్లల ఆరోగ్యం సరిగా వుండాలంటే వారికి గుండె సంబంధిత రోగాలవంటివి రాకుండా వుండాలంటే చిన్న వయసులనుండి వారి జీవన విధానాలను సరిదిద్దాలని రీసెర్చర్లు సూచించారు.