మహిళకు గర్భం ఏ వయసులో? ఎలా రావాలి?

Basics

oi-Nageswara

By B N Sharma

Published: Monday, May 28, 2012, 12:37 [IST]

గర్భం ధరించాలని ఉవ్విళ్ళూరుతారు. కాని అది ఎప్పటికపుడు ఆలస్యం అవుతూంటుంది. మంచి ఆహారం, జీవన విధానాలు కూడా మార్చుకుంటారు. అయితే, అన్నిటికంటే కూడా ముఖ్యమైంది గర్భం ధరించాలంటే తగిన శారీరక పటుత్వం కూడా కావాలి. దానికిగాను కొన్ని వ్యాయామాలు చేయాలి. మీరు చేసే వ్యాయామాలు చాలా సింపుల్ గా వుండి సరైన సమయంలో అండోత్పత్తి జరిగేలా వుండాలి. కొన్ని వ్యాయామాలు, జంపింగ్, స్ట్రెచింగ్ లేదా ఇతర వ్యాయామాలు గర్భ విచ్ఛిన్నం వంటివాటికి కూడా దోవతీస్తాయి. గర్భం ధరించాలనుకునేవారికి నడక ఒక సమర్ధవంతమైన వ్యాయామం. పొట్టకు ఎట్టి హాని కలిగించదు. ప్రతిరోజూ మీడియం వేగంతో నడవటం చాలా మంచిది. గర్భం ధరించేసినా సరే ఈ రకమైన నడక కొనసాగించవచ్చు. స్విమ్మింగ్ మహిళలకు చాలా మంచి వ్యాయామం. చాలా తేలికైనది కూడా. గర్భం వచ్చినా సరే డాక్టర్ సలహాపై స్విమ్మింగ్ కొనసాగించవచ్చు.

మహిళ ఏ వయసులో గర్భం ధరించాలి? మహిళ 30 లేదా 32 సంవత్సరాల వయసు వచ్చే సరిగి ధరించటం శ్రేష్టం. 35 సంవత్సరాల వయసు పైబడితే గర్భం ధరించే అవకాశాలు సన్నగిల్లుతాయి. గర్భం ధరించినా, కొన్ని సమస్యలు పుట్టే బిడ్డకు రావచ్చు. 35 సంవత్సరాల వయసు పైన గర్భం ధరించాలనుకునేవారు వైద్యుల సలహాపై పొందటం మంచిది. మహిళలు ప్రెగ్నెన్సీ అంటే చాలా భయపడతారు. దీనికిగాను భాగస్వామి సహకారం అవసరం. నేటి యువతులు ఉద్యోగాలు, వ్యాపారాలవంటి ఇతర పనులలో కూడా వున్నారు కనుక వీరికి 30 ఏళ్ళవయసుకి పిల్లలుపుడితే సరైనదనే చెప్పాలి. 35 సంవత్సరాల వయసు పైబడితే రక్తపోటు, షుగర్ వ్యాధి సమస్యలు వచ్చి బేబీకి హాని కలిగించే అవకాశం వుంది.

గర్భం వచ్చిన మొదటి నెలలో మహిళ గర్భంలో రిలీజ్ అయిన అండం ఫేలోపియన్ ట్యూబులలోకి వస్తుంది. అక్కడే వీర్యకణాలు కూడా దానికి చేరి ఒక అద్భుతమైన మానవ సృష్టికి కారణమవుతుంది. 46 క్రోమోజోములు ఒక వ్యక్తికిగల లక్షణాలను సృష్టిస్తాయి. మానవ పిండ నిర్మాణానికి పునాదులు వేస్తాయి. ఫెలోపియన్ ట్యూబు నుండి పిండం గర్భంలోకి చేరి అక్కడ దాని సురక్షితమైన ప్రదేశానికి అన్వేషిస్తుంది. ఆ దశలో పిండం అంగుళంలో ఆరోవంతు సైజులో వుంటుంది. అయితే వేగంగా పెరిగిపోతూ వుంటుంది.

ఆ పిండంలోని గుండె సుమారుగా ఒక విత్తనమంత సైజుగా వుండేది 18 వ రోజునుండే కొట్టుకుంటూ వుంటుంది. ఒక్క నాలుగు రోజులు వేచి వుంటే చాలు 21 వ రోజునుండి తన రక్తాన్ని పిండంలోని అన్ని భాగాలకు పంప్ చేయటం కూడా మొదలుపెడుతుంది. బహుశ ఈ రక్తం మీ రక్తం కంటే కూడా విభిన్నంగా వుండవచ్చు. ఫలదీకరణ జరిగిన నాలుగు వారాలకు కళ్ళు, చెవులు, శ్వాస అవయవాలు ఏర్పడటం మొదలుపెడతాయి. 9 నుండి 12 వారాల సమయంలోనే పిండం లో బొటనవేలు చీకడం సైంటిస్టులు ఫొటోల ద్వారా కనుగొన్నారు.

చిన్న పిండంగా వున్న బేబీ తన తల్లి తినే ఆహారాన్ని తాను పంచుకుంటుంది. తల్లి గర్భంలో వుండి మొదటగా ఆహార రుచులు చూడటం మొదలుపెడుతుంది. ఈ కారణంగానే గర్భవతికి రుచులు కోరే అవకాశం వస్తుంది. పుల్లగా వుండేవి తినాలని, లేదా మసాలాలు గుప్పించిన ఆహారాలు తినాలని ఆమెకు కోరికలు కలుగుతాయి.