ఓస్ గర్భం ధరించటం ఇంత తేలికా?

By B N Sharma

Published: Wednesday, July 18, 2012, 13:51 [IST]

మహిళ తేలికగా గర్భం ధరించాలంటే, గర్భాశయం ఆరోగ్యంగా ఉండేలా చూసుకోవాలి. నేటి రోజులలో గర్భాశయంలో ఏర్పడే పాలీసిస్టిక్ ఒవేరియన్ సిండ్రోమ్ అంటే గర్భాశయ తిత్తుల వ్యాధి ఆమెలో హార్మోన్ల అసమతుల్యతలు కలిగించి అధిక బరువుకు, అనవసర ప్రదేశాలలో వెంట్రుకలు పెరగటానికి, అధిక షుగర్ స్ధాయిలకు, అధిక రక్తపోటుకు, అతి తక్కువ జీవక్రియ రేటుకు దోహదం చేస్తోంది. కనుక మహిళలు అధిక బరువు పెరగకుండా కూడా చూసుకోవాలి. దీనికి కారణం గర్భాశయంలోని అదనపు తిత్తులు కూడా ఒకటిగా చెప్పాలి.

మహిళ బరువు ఏ మాత్రం తగ్గినా సరే అది ఆమెలోని హార్మోన్ల స్ధాయిలను స్ధిర పరుస్తుంది. మరి ఈ బహుళ తిత్తుల వ్యాధిని నివారించాలంటే మీరు ఆరోగ్యకరమైన జీవన విధానాలకు మారాలి. ఇప్పటివరకు మీకుగల సమస్యలకు డాక్టర్లు ఇచ్చిన మందులను నియమానుసారంగా తప్పక వాడండి. మీ ఆహారంలో పీచు అధికంగా ఉండేలా చూడండి. అంటే, తాజా పండ్లు, కూరగాయలు, చేర్చండి. శాట్యురేటెడ్ కొవ్వులు తక్కువగా ఉండాలి. మీ ఆహారం, వ్యాయామాలపై నిపుణుల సలహాలను పాటించండి. ప్రతిరోజూ గుండె సంబంధిత వ్యాయామాలు ఒక గంట చేయాలి. మీ రోజువారీ వ్యాయామంలో, స్విమ్మింగ్, సైకిలింగ్ లేదా ఇతర వ్యాయామాలు గంట సేపు, వామ్ అప్, కూల్ డవున్ లతో సహా చేయాలి.

వారానికి కనీసం ఆరు రోజులు చేయాలి. ఇల్ల్లు, ఆఫీస్ అంటూ శారీరకంగా చురుకుగా తిరగండి. లిఫ్ట్ ఎక్కకుండా మెట్లు వాడటం, డ్రైవింగ్ చేయకుండా తక్కువ దూరాలు నడిచి పనులు చేసుకోవడం, సమీప మార్కెట్లలో కొనుగోలుకు నడిచి వెళ్ళడం వంటివి చేస్తే మీలోని కేలరీలు బాగా ఖర్చు అవుతాయి. బరువు తగ్గుతారు.

మీ కండలు బలపడుతున్న కొద్ది, శరీరానికి అవసరమైన కేలరీలు పెరుగుతాయి. దానితో కేలరీలు బాగా ఖర్చు అవుతాయి. ఎంతసేపూ మీ ఆందోళన శరీర పై భాగం, నడుము భాగం కనుక వాటి కండరాలకు తరచు వ్యాయామం కలిగేలా చూడండి. వారానికి కనీసం రెండు సార్లు ఒక్కొక్కసారి 30 నిమిషాల చొప్పున బరువులు ఎత్తండి. ఈ వ్యాయామాలలో ప్రధాన కండరాలు అన్ని కదలాలి. ధ్యానం, యోగా, ధాయ్ ఛి మరియు పైలేట్స్ ఆచరిస్తే కేలరీలు బాగా కరిగి మీలోని హార్మోన్లు సమతుల్యతను పొందుతాయి.