వెంట్రుకలు నల్లగా నిగ నిగలాడాలంటే... !

జుట్టు నెరుస్తోందంటే, పిల్లాడికి ఆత్మవిశ్వాసం సడలుతుంది. ఇది కొద్దిపాటి మనోవేదనకు దారితీస్తుంది. కనుక చిన్నతనపు జుట్టు నెరుపు లేదా బాల నెరుపు అనేదాన్ని శారీరకంగాను, మానసికంగాను పరిష్కరించటం మంచిది. దిగువ చిట్కాలు ఆచరించటం ద్వారా మీ పిల్లవాడి ఆందోళన మాయమయ్యేలా చూడండి.

1. విటమిన్ బి12 అధికంగా వుండే, సీఫుట్లు, గుడ్లు, ఛీస్ మొదలైనవి బాగా తినిపిస్తే జుట్టు నెరపు లేదా తెల్లబడటమనే సమస్య తగ్గుతుంది.

2. విటమిన్లు అధికంగా వుండే ఆల్మండ్ ఆయిల్ తో వెంట్రుకలను మర్దన చేయండి. అయిదు రకాల నూనెలను హెన్నా, కరివేపాకులతో కలిపి బాగా మరగబెట్టి దానిని జుట్టుకి రాస్తే క్రమేణా జుట్టు నల్లపడుతుంది.

3. బీట్ రూట్ జ్యూస్, టీ, హెన్నా వంటివి వెంట్రుకలకు పట్టించి ఎండిన తర్వాత కడిగేయండి.

4. రోజుకొకసారి దువ్వటం, నువ్వులనూనె మర్దన చేయటం చేస్తే ఫలితం వుంటుంది.

అసలు సమస్య ఏ కారణంగా అనేది వైద్యుని సంప్రదించి తెలుసుకోండి. వంశానుగతంగా వున్నట్లయితే, ఈ చిట్కాలు అంతగా లాభించకపోవచ్చు.