పిల్లల తల పేలకు వైద్యం ఎలా?

పేలు చాలా సమస్య ఏర్పరుస్తాయి. అవి బాగా ఎక్కువైపోకముందే వాటికి పరిష్కారం చూడాలి. పేలను వదిలించాలంటే ఎలా అనే దానికి కొన్ని చిట్కాలు ఇస్తున్నాం పరిశీలించండి. మెడికేర్, రిడ్, నిక్స్ వంటి షాంపూలు కనీసం వారానికి రెండు సార్లు ఉపయోగించండి. ఇంటిలోని ఇతర సభ్యులు కూడా వాడుతూండాలి. షాంపూ నే కాక మార్కెట్ లో కొన్ని లోషన్లు కూడా లభ్యమవుతున్నాయి.

మరో మార్గంగా, పిల్లాడి జుట్టును పొట్టిదిగా వుంచండి. పేలను చంపటం తేలికవుతుంది. వేపాకు రసం, నిమ్మ, నీరు కలిపిన మిశ్రమాన్ని తలకు పట్టించి ఒక పావుగంట వుంచి షాంపూచేస్తే ఫలితం వుంటుంది. లేదా వెంట్రుకలను వినేగర్ తో శుభ్రం చేసినా పేలు నశిస్తాయి.