పిల్లలకు టేబుల్ మేనర్స్ నేర్పించండి!

By B N Sharma

Published: Tuesday, September 20, 2011, 11:49 [IST]

పిల్లలకు భోజనం చేసే సమయంలో టేబుల్ మేనర్స్ నేర్పించటం అవసరం. ఇది వారి భవిష్యత్తుకు బాగా ఉపయోగపడుతుంది. పిల్లలు నేర్చుకునే దశలో వుంటారు కనుక కొత్త విషయం ఏది చెప్పినా తేలికగా గ్రహించేస్తారు. కనుక ఇదే సమయంలో సమాజానికి సంబంధించిన అంశాలు కూడా నేర్పాలి. పిల్లలు చిన్న తనంలో తమ తిండిని ఏ నియమాలు పాటించక చాలా అసహ్యంగా తింటూ వుంటారు. డైనింగ్ టేబుల్ వద్ద అల్లరి చేస్తారు. వీరికి టేబుల్ మర్యాద నేర్పించాలంటే ఎలానో చూడండి.....

1. భోజన సమయంలో టేబుల్ వద్ద కూర్చున్న తర్వాత మొదటగా కావలసింది ఓర్పు. ఓర్పు వహిస్తే తనకు కావలసిన వన్ని తేలికగా వస్తాయన్న విషయాన్ని పిల్లాడికి పదే పదే చెప్పి నేర్పించండి.

2. మీరు పిల్లాడికి చెప్పే అంశం మీరు కూడా పాటించండి. సరిగ్గా ఎలా తినాలో నేర్పించండి. మీరు కూడా వాడు ఆచరించేలా తినండి.

3. డిన్నర్ టేబుల్ ఏర్పాటు చేయటంలో మీకు సహకరించమనండి. అంతా ఏర్పాటైన తర్వాత అందరిని పిలవమని వానిని అడగండి. ఇది ముఖ్యమైన అంశం.

4. భోజన సమయంలో సామాన్య విషయాలు పిల్లాడికి అర్ధమయ్యేవి మాట్లాడండి. వాడికి తెలియని విషయాలు మాట్లాడుకుంటుంటే, వాడిని పట్టించుకోడం లేదని అరుస్తాడు. అతను చెప్పేది శ్రద్ధగా వినండి.

5. పిల్లలకు అనుకూలమైన కట్లరీ కొనండి. తినటంలో పిల్లాడికి మరింత శ్రధ్ధ ఏర్పడుతుంది.

6. టేబుల్ వద్ద అవసరమయ్యే పదార్ధాలు లేదా ఇతర వస్తువులు రిక్వెస్ట్ చేసి తీసుకోవడం నేర్పించండి. అందుకుగాను 'ప్లీజ్' 'ధాంక్యూ' వంటి మర్యాద పూర్వక మాటలనుపయోగించడం నేర్పించండి. నోటిలో ముద్ద వున్నపుడు మాట్లాడరాదని పెద్దగా చప్పుడు వచ్చేలా నమలటం చేయకూడదని తెలుపండి.

7. భోజనం పూర్తి అయ్యేటంతవరకు టేబుల్ వదలరాదని తెలుపండి. ఓపికగా కూర్చుని పూర్తి అయిన తర్వాత అక్కడనుండి లేవటాన్ని నేర్పించండి. టేబుల్ మేనర్స్ నేర్పించటం మంచి అలవాటు నేర్పించటం వంటిదే. ఈ అంశాలు పిల్లాడికి నేర్పిస్తే భవిష్యత్తులో ఎక్కడికి వెళ్ళినా మీ బిడ్డ ఆదరించబడతాడు.