ప్రమాదంలేని 5 రకాల దీపావళి క్రేకర్లు!

By B N Sharma

Published: Saturday, October 15, 2011, 10:18 [IST]

పిల్లలు దీపావళి పండుగ బాగా ఇష్టపడతారు. దీపాలు పెట్టటమే కాదు వారికి ఆనందాన్ని కలిగించే టపాకాయలు కూడా వుంటాయని ఆనందపడతారు. కాని అన్ని టపాకాయలు పిల్లలకు సురక్షితం కాదు. పిల్లలు టపాకాయలు కాల్చేటపుడు కొన్ని జాగ్రత్తలు తీసుకోండి. మొదటగా వారికి ఉన్ని దుస్తులు వేయండి. వారి చేతులకు ఏదైనా ఒక బాడీ లోషన్ రాస్తే టపాకాయల రవ్వలు చేతులమీదపడినా హాని కలగదు. వీలైనంతవరకు గ్లోవ్ లతో టపాకాయలు తీస్తూ వుంటే రసాయనాలు చేతికి అంటవు.

ఇక పిల్లలకు సురక్షితమైన టపాకాయలంటే-
పిస్తోళ్లు - వీటిని ఏ వయసు పిల్లలైనా కాల్చవచ్చు. నిప్పుతో పిల్లలు దూరంగా వుంటారు. పేల్చటం చాలా తేలిక కనుక నిర్భయంగా వీటిని పిల్లలకు ఇవ్వవచ్చు. వీటిలో వేస్టేజ్ కూడా తక్కువ, ధ్వని పెద్దగా వుండదు.
పువ్వుల తీగలు - వీటినే కాకరపువ్వత్తులు, తాళ్ళు అని కూడా అంటారు. ఇవి పేలేవి కావు, చూడటానికి పూలవలే కురిపిస్తూంటాయి. పిల్లలు, పెద్దలు కూడా వీటిని బాగా ఆనందిస్తారు. ఇవి వివిధ సైజులలోను, వివిధ రంగులలోను వస్తాయి.
షాట్స్ - అందరూ బాగా వాడేవి. పండుగకు మంచి ఆకర్షణ. వెలిగిస్తే చాలు ఆకాశంలోకి దూసుకు వెళ్ళి అక్కడ పేలి రంగురంగుల పూలు వెదజల్లుతాయి. ఇవి దూరంగా పేలుతాయి కనుక బాధ లేదు. వీటిని కాల్చాలంటే ఒక బాటిల్ లో పెట్టి కాలిస్తే చాలు పైకి పోతాయి. అయితే పైన ఎలక్ట్రిక్ వైర్లు వంటివి లేకుండా చూడండి.
చిచ్చుబుడ్లు - పిల్లలకు దీపావళి పండుగలో ప్రధాన ఆకర్షణ. వీటిని ముట్టిస్తే చాలు. మెల్లగా పూలు విదిలిస్తూ బాగా పైకి ఎగిసిపడతాయి. ఇవి వివిధ సైజులలో, వివిధ రంగుల పూలతో వస్తాయి. వీటిని వెలిగించటానికి కాకర పువ్వత్తులను ఉపయోగించాలి.
భూ చక్రాలు - ఇవి కొద్దిపాటిగా నేలపై అటూ ఇటూ పరిగెత్తినా పేలవు, తిరుగుతూ పూలను వెదజల్లుతాయి. పిల్లలు బాగా ఆనందిస్తారు. కనుక సురక్షితమే. అయితే అవి కాలేటపుడు పక్కన ఏ ఇతర టపాసులు లేకుండా చూడండి.