బ్లాగింగ్ తో టీనేజర్ల బాగోగులు... !

వ్రాయటమనేది వ్యక్తిలోని భావావేశాలను రిలీజ్ చేయటానికి ఒక మంచి సాధనమని అది వ్రాయటం పూర్తి చేస్తే వారు ఎంతో హాయి భావిస్తున్నారని అందుకుగాను టీనేజర్లకు నేడు ఆన్ లైన్ బ్లాగులు బాగా ఉపయోగపడుతున్నాయని స్టడీని నిర్వహించిన ఇజ్రాయల్ లోని యూనివర్శిటీ ఆఫ్ హైఫా రీసెర్చర్ మేయరన్ బొనీల్ నిస్సిం వెల్లడించారు.

బ్లాగింగ్ లో భావప్రకటన తేలికై ఇతరులతో సంభాషించటం సులభం అని వీరు తెలిపినట్లు సైకలాజికల్ సర్వీసెస్ జర్నల్ తెలిపింది. విదేశాల్లో ఆన్ లైన్ లో పోట్లాటలు, నిందించుకోవటాలు అధికంగా వున్నప్పటికి బ్లాగ్ మెసేజీలు పాజిటివ్ గా వున్నయని స్టడీ కో ఆదర్, అజీ బారక్ కూడా తెలియజేశారు. రీసెర్చర్లు 15 సంవత్సరాల సగటు వయసున్న హైస్కూలు విద్యార్ధులపై తమ రీసెర్చి చేశారు. ప్రయివేటు డైరీలు వ్రాసే వారికంటే కూడా ఆన్ లైన్ లో బ్లాగులు వ్రాసే వారు చాలా ఆత్మ విశ్వాసంతో వున్నట్లు తేల్చారు.