మీ బిడ్డ సరైన డే కేర్ లో వున్నాడా?

By B N Sharma

Published: Tuesday, July 3, 2012, 11:33 [IST]

నేటి రోజులలో మహిళలు డెలివరీ తర్వాత తమ పిల్లలను డే కేర్ సెంటర్ లలో ఆయాల వద్ద వదలి వెళ్ళటానికి ఎంతో సంకోచిస్తూ వుంటారు. తల్లికి తన బిడ్డపై గల ప్రేమ ఎన్నో జాగ్రత్తలు నేర్పిస్తుంది. కాని బిడ్డ పుట్టేనాటికే మహిళ తన సెలవుదినాలు పూర్తిగా వాడేసుకోవటంతో మరోమారు ఉద్యోగానికి లేదా వ్యాపారానికి వెళ్ళే అవసరం ఉంటుంది. భార్యా భర్తలిరువురూ ఉద్యోగాలు చేసే వారైతే, బిడ్డల సంరక్షణ మరింత క్లిష్టమవుతుంది. వారు తమ బిడ్డకు సురక్షితమైన ప్రదేశం కావాలని భావిస్తారు. కాని చివరకు ఎక్కడో అక్కడ రాజీ పడి బిడ్డను డేకేర్ సెంటర్ లో కూడా వేస్తారు.అటువంటపుడు మీరు డే కేర్ సెంటర్ విషయంలో ఏ అంశాలలో రాజీ పడాలి? ఏ అంశాలలో రాజీ పడరాదనేది పరిశీలించండి.
బిడ్డకు సౌకర్యం కొద్దిగా తగ్గినప్పటికి సురక్షితం లేదా భధ్రత అనేది ప్రధానమని గమనించండి.
పరిశీలించవలసిన అంశాల జాబితా?

దూరం - బిడ్డ డే కేర్ సెంటర్ మీ ఇంటికి లేదా పని ప్రదేశానికి దగ్గరగా వుందా? లేదా చూడండి. అత్యవసరమైనపుడు మీరు వెంటనే చేరవలసి ఉంటుంది. ఏదేని అవాంఛనీయ సంఘటన జరిగితే మీ బిడ్డ మీ కొరకు ఎదురు చూడరాదు.

కెమెరాలు - డే కేర్ సెంటర్ లో సిసిటివి కెమేరాలున్నాయా గమనించండి. ప్రతిరోజూ సాయంత్రం అయ్యే సరికి మీ బిడ్డ డే కేర్ సెంటర్ లో ఏం చేశాడనేది వారు మీకు వీడియో సిడి తీసి ఇచ్చేస్తారు. మీ బిడ్డకు సెంటర్ లో చక్కటి ట్రీట్ మెంట్ లభించిందనేదానికి ఇదే నిదర్శనంగా వుంటుంది.

శిక్షణ పొందిన ఆయాలు - మీ బిడ్డను సెంటర్ లో సంరక్షించే ఆయాలు సరి అయిన శిక్షణ కలిగిన వారేనా అనేది గమనించండి. అత్యవసర పరిస్ధితులలో సెంటర్ యాజమాన్యం నిపుణతలేని ఆయాలను కూడా ఎంపిక చేస్తుంది. కనుక వారి సర్టిఫికేట్లు పరిశీలించి మీరు మీ బిడ్డను చేర్పించండి. అంతేకాదు, ఆయాలకు క్రిమినల్ రికార్డు ఏదీ లేదనేది కూడా నిర్ధారించుకోండి. ఎందుకంటే, వీరిలో పిల్లలను ఎత్తుకుపోయే వారు కూడా వుంటారు.

ప్రాధమిక వైద్య సౌకర్యాలు - మీరు ఎంచుకునే డే కేర్ సెంటర్ లో ప్రాధమిక ఆరోగ్య సౌకర్యాలు తప్పని సరిగా వుండాలి. వారు బిడ్డల జ్వరం, నొప్పులు, డయోరియా వంటి వాటికి వాడే మందులు కలిగి వుండాలి. కాని ఒక తల్లి ఉద్యోగినిగా మీ అనుమతి లేకుండా మీ బిడ్డకు వారు ఏ రకమైన మందులు వాడకుండా చూడండి. అంతేకాదు, మీరు అలర్జీ కలిగించే ఆహారాలు మీ బిడ్డకు ఇవ్వరాదని చెపుతూ, ఏ ఆహారాలు మీ బిడ్డకు ఎలర్జీ కలిగిస్తాయనేది వారికి తెలుపండి.

ఆరోగ్యకర ఆహారం - డే కేర్ సెంటర్ లు చాలావరకు వారే బిడ్డకు ఆహారం ఇస్తారు. కొద్దిమంది మాత్రమే, ఇంటి నుండి ఆహారం తెచ్చుకునేందుకు అంగీకరిస్తారు. కనుక ఇంటి ఆహారం అనుమతించే డే కేర్ ని మాత్రమే మీరు ఎంచుకోండి. మీ బిడ్డకు అవసరమైన పోషకాహారం బాగా అందుతుంది.బిడ్డ కనుక సెంటర్ ఆహారం తినేట్లయితే, ఆహారం మంచి నాణ్యమైనదిగా ఉండేలా చూడండి.

ఉద్యోగస్తులు తాము పని ప్రదేశంలో వుండి కూడా పిల్లలపట్ల ఆందోళన చెందుతారు. కనుక డే కేర్ ఎంపికలోనే పూర్తి అంశాలు పరిశీలించి మీ బిడ్డను ఆ సెంటర్ లో చేర్పించండి. తల్లి ఆలనా పాలనాకు మించినదేదీ లేదు. కాని మీ అవసరం అటువంటిది కనుక చేర్పించేముందు అన్ని రకాల జాగ్రత్తలు తీసుకొని బిడ్డ పెరుగుదలను ఆనందించండి.

Comments

Story first published: Tuesday, July 3, 2012, 11:33 [IST]

Latest Updates

Is Your Kid In The Right Day Care? | బిడ్డ కెవ్వు మంటే....!