ఇంటిలో పిల్లలు ఒంటరిగా వున్నారా?

1. బేబీకి ఎవరైనా ఆయాని పెట్టారా? పెట్టిన ఆయా నమ్మకమైనదిగా వుండాలి. తెలియనివారిని నియామకం చేయకండి. తెలియని వారిని పెట్టుకుంటే మరింత ప్రమాదకరంగా తయారవుతుంది.
2. బయటకు వెళ్ళేటపుడు తప్పని సరిగా పిల్లలకు లేదా ఆయాకు మీకు మెసేజ్ అందే ఎమర్జెన్సీ నెంబర్లు ఇవ్వండి. ఒక ల్యాండ్ లైన్ టెలిఫోన్ నెంబర్ కూడా ఇస్తే, మొబైల్ కు కవరేజ్ లేకుంటే కనీసం దాని ద్వారా మీకు మెసేజ్ అందుతుంది.
3. పిల్లలను ఇంటిలో పెట్టి తాళం పెట్టకండి. ఏదైనా అగ్నిప్రమాదం వంటివి జరిగితే వారు బయటకు రాలేరు. పిల్లలకు ఇంటి లో నుండి బయటకు రావద్దని తెలుపండి. లేదా మీ పొరుగు వారికి పిల్లలను చూస్తూ వుండమని తెలుపండి.
4. పిల్లలకు తలుపులు వేసి లోపల గొళ్ళెం లేదా బోల్ట్ పెట్టుకోవడం నేర్పించండి. తల్లితండ్రులు లేని సమయంలో ఇండ్లలో దొంగలు పడటం సామాన్లు ఎత్తుకెళ్ళడం వంటివి ఎన్నో జరుగుతూంటాయి. మీరు వెళ్ళే ముందు ఒకసారి బిడ్డను గొళ్ళెం పెట్టుకోవడం రిహార్సల్ వేయమనండి.
5. ఇంటి మొత్తం మీద పిల్లలకు వంటగది ప్రమాదకరమైనది. కనుక దానిని తాళం వేయండి. వారికవసరమైన ఆహారం బయట పెట్టండి. లేదా స్టవ్ వంటివి గ్యాస్ ఆపుచేసి జాగ్రత్త పడండి. పదునైన కత్తులు, ఫోర్కులు మొదలైనవి వారికి అందకుండా పైన పెట్టండి. రిఫ్రిజిరేటర్ వంటివి కిచెన్ కు బయట వుంచితే, సౌకర్యంగా వుంటుంది.
6. టెలివిజన్ సమయం - మీరు ఇంటిలో లేరని తెలిస్తే చాలు పిల్లలు, రీమోట్ పట్టి రోజంతా టీ.వీ చూస్తూ కాలం గడిపేస్తారు. మీరు ఛైల్డ్ లాక్ వేసిన ఛానెల్స్ కూడా చూస్తారు. అందుకని రిమోట్ అందకుండా దాచేయండి. మేన్యువల్ గా వారికవసరమైన ఛానెల్ పెట్టి తగిన సమయం వరకే పెట్టాలని తెలుపండి.