పాశ్చాత్య అనుకరణ ప్రయోజనకరమా?

Kids

oi-Nageswara

By B N Sharma

Published: Friday, March 2, 2012, 15:01 [IST]

భారతీయ సంస్కృతి, సంప్రదాయాలను విదేశీయులు సైతం ఎంతో బాగుంది అంటూ మెచ్చుకుంటుంటే.. మన పిల్లలు మాత్రం పాశ్చాత్య పోకడలను అనుసరిస్తూ.. మన సంస్కృతికి తూట్లు పోడుస్తున్నారు. పార్టీలని, వేడుకలని,.. విలువైన సమయాన్ని వృధా చేసుకుంటున్నారు. అంతా అయ్యాక ఒక్కసారి వెనక్కి తిరిగి చూస్తే.. భవిష్యత్‌ వారికే ప్రశ్నార్థకంగా కనిపిస్తోంది. ఆధునిక జీవన విధానాలకు మారుతున్న నగరాలలో పిల్లలు.. మరింత ఆధునిక ఫ్యాషన్లకు అలవాటు పడుతున్నారు.

సినిమా, టీవీల ప్రభావంతో ప్రాచ్ఛాత్య పోకడలను అనుసరిస్తున్నారు. వెర్రి ఫ్యాషన్లతో తయారవుతూ.. చిన్న వయసులలోనే ఒకరితో మరిఒకరు చెట్టాపట్టాలేసుకుని కూడా తిరుగుతున్నారు. దీంతో చదువులు వెనకపడి భవిష్యత్‌ ప్రశ్నార్థకమవుతోంది. నేటి పిల్లలు భారతీయ సంస్కృతి, సంప్రదాయాలను పక్కనపెట్టి.. వెస్ట్రన్‌ కల్చర్‌కు అర్రులు చాస్తున్నారు. తల్లిదండ్రులు ఎన్నో ఆశలతో ఉన్నత చదువుల కోసం తమ పిల్లలను పట్నం పంపిస్తే.. వారి ఆశలను అడియాశలు చేస్తూ.. ప్రేమ పేరుతో విలువైన సమయాన్ని వృధా చేస్తున్నారు.

పిల్లలు ఒక లక్ష్యం లేకుండా చదువులపట్ల శ్రధ్ధ పెట్టక ఇలా పెడదోవ పట్టడానికి తల్లిదండ్రుల పర్యవేక్షణ లేకపోవడమే కారణమని సంప్రదాయ వాదులు గగ్గోలు పెడుతున్నారు. విదేశీయులు మన సంప్రదాయాల పట్ల ఆకర్షితులవుతుంటే.. మనం మాత్రం పాశ్చాత్య నాగరికతల మోజులో పడి మన సాంప్రదాయాలను చిన్నచూపు చూడటం.. చాలా ప్రమాదకరమని సంప్రదాయవాదులు అంటున్నారు.