అమ్మల అందం అడ్డం అయితే? !

By B N Sharma

Published: Friday, February 17, 2012, 12:10 [IST]

మానసిక నిపుణులకు నేటిరోజుల్లో కొత్త సమస్య వచ్చిపడింది. సాధారణంగా ప్రతి ఒక్కరూ ప్రతివారిని వారి కనపడే రూపాన్ని బట్టి అందంగా వున్నారా? లేదా ? అనేది నిర్ధారించేస్తారు. అదేరకంగా ప్రతి ఒక్కరూ కూడా తాము ఎంతో బాగా లేదా అందంగా వుండాలని కోరుకుంటూ అందుకు ప్రయత్నిస్తారు. చిన్న తనంలో తమ తల్లి అందంగా అలంకరించుకుంటే, ఎంతో గర్వంగా భావించే పిల్లలు, టీనేజ్ రాగానే వారికి తమ తల్లుల అందచందాలే అడ్డు వచ్చేస్తున్నట్లు నిపుణులు చెపుతున్నారు. తమ ఇంటిలో తమకే పోటీ అనే భావనలో టీనేజ్ గాల్స్ మానసిక వేదనకు గురవుతున్నారట.

ఈ రకం టీనేజ్ యువతులు తమ తల్లులను కాలేజ్ వద్దకు రావద్దని కూడా ఖచ్చితమైన సూచనలిస్తున్నారు. అంతటితో ఆగక తమతల్లులతోనే వింతగా కూడా ప్రవర్తిస్తున్నారట. కాలేజ్ లేదా స్కూలు లో జరిగే పేరెంట్స్ డే నాడు కూడా తండ్రులనే రమ్మని కోరుతున్నారట. అందంగా అలంకరించుకున్న తల్లి తమ కాలేజ్ కి వస్తే, నీకంటే మీ అమ్మే స్మార్ట్ అని తోటి పిల్లలు వ్యాఖ్యానించటంతో వీరికి ఈ పరిస్ధితి ఎదురవుతోంది. చిన్నతనంగా మొదట్లో తల్లితండ్రులు భావించినప్పటికి వీరు పెద్దవారవుతున్న కొద్ది తల్లి అందంగా కనపడితే చాలు ద్వేషం భావిస్తున్నారట.
దీనికి పరిష్కారంగా, తల్లులు, తమ టీనేజ్ గాల్స్ కాలేజీలకు వెళ్ళేటపుడు అలంకరణ, దుస్తులు కొద్దిపాటి తక్కువగా వుంచాలని వారి కుమార్తెల అందచందాలకు అడ్డు రారాదని కూడా మానసిక నిపుణులు సూచిస్తున్నారు. తల్లి అయినా? కూతురు అయినా, యుక్తవయసు అనేది చాలా ప్రధానమైన వయసు. అవగాహనాలేమి, పోట్లాటలు సాధరణం. కనుక ఒకే ఇంటిలోకల వీరి మధ్య గల వింత ప్రవర్తనలకు పరిష్కారం ఏదోఒకటిగా వారే నిర్ణయించుకోవాలి.