పిల్లల పెంపకంపై తల్లితండ్రుల ప్రభావం!

By B N Sharma

Published: Monday, March 5, 2012, 12:20 [IST]

జంటలు పెళ్ళి అయిన వారైనా లేకా కలసి వుంటున్నవారైనా వారిలో వారు తగవులాడుకుంటుంటే దాని ప్రభావం పిల్లల పెంపకంపై పడుతుందంటున్నారు పరిశోధకులు. పరిశోధకులు ఈ పరిశోధనలో 156 మంది జంటలను ఎంపిక చేశారు. వీరిని పిల్లలు పుట్టేముందు, పుట్టిన ఆరు నెలలకు, చివరిగా బేబీకి 13 నెలలు వచ్చిన తర్వాత వారి పిల్లల పెంపకాలను పరిశీలించారు. తల్లితండ్రుల ప్రవర్తన పిల్లల మానసిక, సామాజిక సర్దుబాట్లపై తీవ్రంగా వుంటుందని రీసెర్చి సెంటర్ ఫర్ ది ప్రమోషన్ ఆఫ్ హ్యూమన్ డెవలప్ మెంట్ ప్రొఫెసర్ మార్క్ఇ. ఫీన్ బర్గ్ వెల్లడించారు.

బేబీ పుట్టకముందు జంటలు వారి మధ్య ఎంత తీవ్రంగా పోరాడుకున్నారు, వారిని తల్లితండ్రులుగా పెంచేటపుడు ఎంత తీవ్రంగా పోరాడుకున్నారు. బిడ్డ పెంపకంలో తల్లితండ్రులుగా వారి భాధ్యతలు ఏ మేరకు నాణ్యతాపరంగా నిర్వహిస్తున్నారు వంటివి పరిశోధనలో నిర్ణయించారు. తండ్రులకంటే కూడా తల్లులే అధికంగా పోట్లాటలు సాగించేవారని కూడా రీసెర్చర్లు కనిపెట్టారు.

పోట్లాటలలో తోసుకోవటాలు, చెంపదెబ్బలు, కొట్టుకోవడం వంటివి, వాగ్వివాదాల మధ్యలో జరిగేవని జంటలలోని ఇద్దరు భాగస్వాములు సరి సమానంగానే హింసకు దిగేవారని కూడా పరిశోధకులు తెలిపారు. ఒక సంవత్సరంలో 5 నుండి 20 సార్లవరకు జంటలు పోట్లాటలు సాగించారని తెలిపారు. స్టడీ ఫలితాలు జర్నల్ ఆఫ్ ఫ్యామిలీ ఇస్యూస్ లో ప్రచురించారు.

Comments

Story first published: Monday, March 5, 2012, 12:20 [IST]

Latest Updates

Violent couples have trouble parenting | భార్యా భర్తల మధ్య తగాదాలా?