కాన్పు తర్వాత సుఖాన్నిచ్చే చీరకట్టు!

Post Natal

oi-Nageswara Sharma

By B N Sharma

Published: Monday, September 12, 2011, 9:55 [IST]

బిడ్డ పుట్టిన తర్వాత మహిళ వేసుకునే దుస్తులకు ఫ్యాషన్ కంటే కూడా వైద్యపర అవసరం వుంటుంది. అయితే, మన సాంప్రదాయంలో బిడ్డ పుట్టిన తర్వాత మహిళ చీరకట్టే సందర్భాలు ఎన్నో వస్తాయి. బిడ్డ పుట్టిన వేడుకలు, పండుగలు ఎన్నో వుంటాయి. ఈ సందర్భాలలో చీర తప్పించి వేరే ఏ ఇతర దుస్తులు వేసుకున్నా సరిగా వుండదు. ఇటువంటపుడు చీర కట్టుడు అవసరమే. దానికిగాను ఏ రకమైన టెక్నిక్ లు ఆచరించాలో చూడండి. ప్రసవానంతరం ఆరోగ్య పరంగా ప్రాధమిక జాగ్రత్తలు తీసుకోవాల్సిందే. మరోవైపు సాంప్రదాయాన్ని సైతం పాటించితీరాలి.
కనుక చీర కట్టుడు కాన్పు తర్వాత ఎలా వుండాలో చూద్దాం.

పెట్టికోట్ ను గట్టిగా ముడి వేయకండి. సిజేరియన్ అయినా కాకపోయినా మీ పొట్టను జాగ్రత్తగానే చూసుకోవాలి. మీ పొట్ట కండరాలు కాన్పు అనంతరం ఎంతో అస్వస్ధతకు గురై వున్నాయి. కనుక వాటికి ఏ మాత్రం నొప్పి కలిగించవద్దు. పెట్టికోట్ తాడులు వీలైనంత లూజుగా వుంచండి. సిజేరియన్ ఆపరేషన్ కుట్లు పడితే, చీరను కుట్లకు పై భాగంలో లేదా దిగువ భాగంలో కట్టండి. చీర బరువు కుట్లపై భారంగా పడకుండా చూసుకోండి. కాన్పు తర్వాత మీరు కట్టే బట్టలపట్ల ఎంతో జాగ్రత్తగా వుండాలి. లేదంటే కుట్లు ఊడి మరల వేయవలసి రావచ్చు. కట్టే చీర చాలా తేలికగా వుండాలి. బోర్డరు లేనిదిగా వుంటే పొట్టకు మరింత తేలికగా వుంటుంది.

చీర కట్టే తీరు కూడా శరీరంపై ప్రభావాన్ని చూపుతుంది. చీర కట్టుడులో అనేక స్టైల్స్ వున్నాయి. బెంగాలీ పద్ధతిలో కట్టే చీర దాని భారాన్ని పొట్టపై పడనీయదు. చీర బరువు చాలావరకు చేతులపై వుంటుంది. కనుక ఈ పద్ధతిలో కాన్పు తర్వాత కడితో పొట్టపై అధిక బరువు పడదు. కనుక ఈ విధంగా కాన్పు తర్వాత వెంటనే చీర కట్టే పరిస్ధితి ఎదురైతే, ఈ చిట్కాలు పాటించి సౌకర్యం భావించండి.