బేబీతో ఆనందాలు రెట్టింపు చేసుకోండి!

మరి బేబీతో ప్రతి నిమిషం ఎలా దగ్గరై ఆనందించాలి? మీ బేబీని డైలీ రొటీన్ లో పెట్టండి. వంట చేస్తున్నా, వాషింగ్ చేస్తున్నా మీ బేబీని వీపుకుగల సంచీలో తగిలించుకోండి. మీ కాలనీ ఇరుగుపొరుగుల ఇండ్లకు వెళ్ళేటపుడు బేబీని స్ట్రాలర్ లో వుంచి తిప్పండి. దోవలో మీరు చూస్తున్నవి బేబీకి వివరించండి. ఆకులు ఏరి చేతికి ఇవ్వండి. పూలను వాసన చూపండి.

బేబీకి అర్ధం అయినా కాకపోయినా, మీరు ఆరోజు ఏం చేయాలనుకుంటున్నారనేది చెపుతూ వుండండి. త్వరలోనే బేబీ మీ మాటలు పట్టుకుంటుంది. మీ స్వరధ్వనికి స్పందిస్తుంది. మీ ముఖ కవళికలకు స్పందిస్తుంది.

మీ బిడ్డతో ఇంటి వెనుక ఆడుకుంటున్నారా? కొనసాగించండి. డిన్నర్ టైమ్ అంటూ ఆ ఆనందాన్ని దూరం చేసుకోకండి. బిడ్డపై మీ దృష్టి పెట్టండి. టెలిఫోన్లు, ఇతర ఆటంకాలను పక్కన పెట్టేయండి. ఎమర్జెన్సీ అయితే తప్ప బిడ్డనుండి దూరం కాకండి.

మీ బిడ్డతో మీరు పంచుకునే ఆనందంలో మీ భాగస్వామిని సైతం చేర్చుకోండి. మీ ఆనందం మరింత రెట్టింపు అవుతుంది. మీ బేబీకి మీకిష్టమైన పాట వినిపించండి. అందరూ కలసి డ్యాన్స్ చేయండి. లేదా బెడ్ టైం కధలు చెప్పుకోండి. మీరు మీ భర్త కలసి చేసే చర్యలతో మీ బిడ్డ మొఖంలో ఆనందం రెట్టింపు అవడం చూస్తారు.