కొత్తగా తల్లియైన వారు వెన్నునొప్పికి తీసుకోవలసిన జాగ్రత్తలు...

Published: Monday, September 10, 2012, 13:18 [IST]

డెలివరీ తర్వాత మీ శరీరం సాధారణ రూపం సంతరించుకోవాలంటే కొంత సమయం పడుతుంది. గర్భాశయం మరల పూర్వస్ధితికి చేరుకుంటే గాని మరోమారు శారీరక రూపం పూర్వం వలే వెండదు. ఇందుకుగాను కనీసం 6 వారాలైనా సమయం పడుతుంది. ప్రెగ్నెన్సీ సమయంలో స్ర్తీ శరీరంలో ఎన్నో మార్పులు చోటు చేసుకుంటాయి. ఈ మార్పులన్నీ శరీరాన్ని డెలివరీకి అనువుగా మార్చేందుకు జరిగేవే. నెలలు నిండుతున్న కొద్దీ బరువు పెరగడం, పొట్ట ఎత్తుగా అవడం చేత, ప్రెగ్నెన్సీలో విడుదలయ్యే రిలాక్సిన్ అనే హార్మోన్ ప్రభావం చేత నడకలో, సెంటర్ ఆఫ్ గ్రావిటీలో మార్పులు వస్తాయి. వీటి వల్ల నడుం నొప్పి ప్రెగ్నెన్సీ సమయంలో ఐదు-ఆరు నెలల నుండి గమనిస్తాం. ఇవి కాక పాలు, పెరుగు, పాల ఉత్పత్తులు, క్యాల్షియం మాత్రలు సరిగ్గా వాడని వారిలో కూడా ఈ నొప్పి తీవ్రత ఎక్కువగా ఉండవచ్చు.

డెలివరీ తర్వాత బిడ్డకు పాలిచ్చే విధానం ఎంతో ముఖ్యం. మీరు ముందు నాలుగు నెలలు కూర్చుని బిడ్డకు పాలిచ్చిన పద్ధతే సరైనది. పడుకుని బిడ్డకు పాలిచ్చే పద్ధతిలో నడుంపై చాలా ఒత్తిడి ఏర్పడుతుంది. దీని వల్ల, బిడ్డ పుట్టిన తర్వాత ఉండే పనుల ఒత్తిడి వల్ల నడుం నొప్పి తీవ్రమవవచ్చు. డెలివరీ అయ్యాక పథ్యం భోజనం అంటూ పాలు, పెరుగు తీసుకోకపోవడం, అలాగే ఎక్కువ సేపు బిడ్డను ఎత్తుకొని తిరగడం వంటివి కూడా ఈ నొప్పిని మరింత తీవ్రం చేస్తాయి. అందువల్ల మీరు ఈ కింది జాగ్రత్తలు పాటించండి.

మీ శరీరం పూర్వ స్ధితికి రావాలంటే డెలివరీ తదనంతరం కొన్ని వ్యాయామాలు చేయాల్సి వుంటుంది. బాగా సాగిన పొట్ట తగ్గటానికి ఈ వ్యాయామాలు ఉపయోగపడతాయి. గర్భవతి దశలో వంటికి పట్టిన నీరు, కొవ్వు అంతా క్రమేణా తగ్గటం మొదలవుతుంది. వ్యాయామం క్రమం తప్పకుండా చేస్తుంటే ఆరు వారాల్లో మీ సాధారణ బరువును తిరిగి పొందుతారు.

ప్రసవం తర్వాత బేబీను ఎత్తుకోవడానికి పూర్తిగా వంగకుండా బేబీను దగ్గరగా తీసుకొని తర్వాత ఎత్తుకోవాలి. ప్లోర్ మీద పడుకోబెట్టిన బిడను తల్లి చేతుల్లోకి తీసుకోవడానికి నడుమును పూర్తిగా వంచంకుండా, మోకాళ్ళను పూర్తిగా వంచి తర్వాత ఎత్తుకోవాలి.

ప్రెగ్నెన్సీ సమయంలోనూ, డెలివరీ తర్వాత సమతులమైన పౌష్టికాహారం తీసుకోవడం

వీలున్నంత వరకు నిటారుగా ఉండే పద్ధతిలో నడుం ఉండేలా చూసుకోవడం బిడ్డకు పాలిస్తున్నంత కాలం క్యాల్షియం మాత్రలు వాడటం

సాధారణ పెయిన్ రిలీఫ్ బామ్ రాసుకొని నొప్పి నుండి ఉపశమనం పొందడం

ఎత్తు మడమలు ఉన్న చెప్పులు వాడకపోవడం

ఇలా అన్ని జాగ్రత్తలు తీసుకున్నా, నొప్పి కొనసాగుతున్నట్లయితే ఆర్థోపెడిక్ డాక్టర్‌ను కలిసి సమస్యను పరిష్కరించుకోండి.