ప్రసూతి వైరాగ్యం - సహజ నివారణ!

అయితే, కొంతమంది తల్లుల మనోభావాలు చెదిరిపోయి వుంటాయి. ఆనందం కలిగినప్పటికి వారిలో మనో వేదన వుంటుంది. దానికి కారణం వారు ప్రసవంలో అనుభవించే ప్రసూతి నొప్పులు వాటితో ఆమె అలసిపోతుంది. గతంలో ఎన్నడూ ఊహించని రీతిలో నొప్పి అనుభవించిన ఆమెకు బిడ్డ పుట్టిన ఆనందంలో కూడా ఒక రకమైన వైరాగ్యం ఏర్పడుతుంది.

దీనినే ప్రసూతి వైరాగ్యం అంటారు. మహిళకు రతిపై ఆసక్తి సన్నగిల్లుతుంది. కొన్ని సమయాలలో జీవిత భాగస్వామిపై కూడా విముఖత కలుగుతుంది. మరోవైపు ప్రసవానంతర ఆరోగ్య సమస్యలు కూడా ఆమె ఎదుర్కొంటూ వుంటుంది. ఈ రకమైన ప్రసూతి వైరాగ్యాన్ని అవగాహన చేసుకోవాలంటే ఆమెకు అనుభవజ్ఞులైన మహిళలు లేదా నిపుణుల సలహా సంప్రదింపులు కూడా అవసరమవుతాయి. అయితే, బేబీ పుట్టిన ఆనందంతో ఆమె క్రమేణా ఈ ప్రసూతి వైరాగ్యంనుండి బయటపడే అవకాశాలు మెండుగా వుంటాయి. అందుకుగాను ఇంటిలోని సభ్యులు, జీవిత భాగస్వామి కూడా ఆమెకు అన్ని రకాలుగా సహకరించవలసి వుంటుంది.