గర్భస్ధ శిశువు స్ధానం తప్పితే....!

Pre Natal

oi-Nageswara

By B N Sharma

Published: Saturday, October 15, 2011, 12:05 [IST]

గర్భవతులకు అరుదుగా తమ గర్భంలో ఎదిగే శిశువుకు ఆధారమైన బొడ్డుతాడు బాగా కిందకు జరిగి శిశువు వుండవలసిన స్ధానం తప్పుతుంది. ఇదే జరిగితే గర్భవతి అయిన మహిళకు కొంత మేరకు ప్రమాదకరమే. గర్భవతులు తాము గర్భం ధరించినపుడు ఎదుర్కొనే తీవ్ర సమస్యలలో ఇది ఒకటి. గర్భస్ధ దశ మొదటి భాగంలో ఈ సమస్య వస్తే, రాబోయే నెలలలో బేబీ మరల పైకి వచ్చే అవకాశం వుంది. కాని చివరి భాగంలో కనుక ఈ అంశం బయటపడితే అప్పటికే బేబీ పెద్దదై పోయి తల్లికి ప్రమాదకరం అవుతుంది. శిశువును గర్భాశయంలో పై భాగానికి తప్పక మార్చాల్సిందే. లేదంటే శిశువుకు రక్త నాళాల ఒత్తిడి అధికంగా వుంటుంది. దానితో అధికమైన ఆహారం, గాలి బేబీకి చేరుతుంది. కొన్ని మార్లు ఇవి అసలు బేబీకి అందకపోవచ్చు కూడాను.

ఈ సమస్యకు ఫలితాలు ఎలావుంటాయంటే....మహిళకు రక్తస్రావం అధికమవుతుంది. పొజిషన్ సరిలేనందుకు ప్లసెంటాపై ఒత్తిడి ఏర్పడుతుంది. అయితే, అబార్షన్ అయ్యే అవకాశాలు మాత్రం వుండవు. బేబీకి హాని వుండదు గాని, తల్లికి రక్తం అధికంగా పోయే అవకాశం వుంది. డెలివరీ త్వరగా అయ్యే అవకాశం వుంది. లేదంటే సిజేరియన్ చేయవలసి వస్తుంది. ఈ పరిస్ధితులలో మహిళ పూర్తి విశ్రాంతి తీసుకోవలసి వుంటుంది. కాళ్ళను పైకి పెట్టి పడుకోవటమే ఆమె చేయాల్సిన పని. దూర ప్రయాణాలు పనికి రావు. ఏ సమయంలోనైనా అధికంగా రక్తస్రావం జరగచ్చు. బేబీ పుట్టేటంతవరకు వ్యాయామాలు లేదా రతి చర్యలు చేయరాదు.

ఈ పరిస్ధితికి మహిళ తన గైనకాలజిస్టు సలహా మేరకు నడచుకోవాల్సిందే. ఎలాంటి అవాంఛనీయ పరిణామాలకైనా సరే ఆమె సిద్ధంగా వుండాల్సిందే.