గర్భవతిలో అందం తగ్గితే....!

By B N Sharma

Published: Friday, November 18, 2011, 15:03 [IST]

యువతులు పరిపూర్ణ మహిళలుగా అయ్యేది అమ్మతనం అనుభవించినపుడే. యువతి గర్భవతి అయ్యిందంటే....శారీరకంగా, మానసికంగా ఎన్నో మార్పులు. గర్భవతైన తర్వాత శరీరంలోహార్మోన్ల స్ధాయి పెరిగి కొత్త అందాలు సంతరించుకున్నప్పటికి, మూడవ త్రైమాసికం వచ్చే సరికి బరువు పెరగటం, ముఖంలో డల్ నెస్ ఏర్పడటం అనేవి వుంటాయి. దీనికి కారణం అప్పటివరకు ఆమెలో వున్న పోషకాలు పుట్టబోయే బేబీ పుచ్చేసుకోవడమే. అందుకుగాను గర్భవతి మహిళ కొన్ని జాగ్రత్తలు తీసుకుంటే డెలివరీ తర్వాత కూడా వేగంగా తన అందాన్ని, ఆరోగ్యాన్ని మరోమారు నిలబెట్టుకోగలదు.

ఆహారం - తాజా కూరగాయలు, పండ్లు అధికంగా తినటం. దీనివలన చర్మం కాంతిపెరిగి, శరీరంలో రక్తప్రసరణ బాగుంటుంది. పచ్చటి ఆకు కూరలు తప్పక తినాలి. నీరు అధికంగా తాగాలి.
మంచినిద్ర - తగినంత నిద్రించండి. కంటి కింద నలుపు, చర్మం కాంతి తగ్గటం వంటివి రావు. సరైన ఆహారం, నిద్రలు ప్రెగ్నెన్సీ సమయంలోని జుట్టు రాలటాన్ని కూడా అరికడతాయి.
తల వెంట్రుకలు - శరీరంలో ఈస్ట్రోజన్ స్ధాయి అధికమవటంతో హెయిర్ సెల్స్ బలహీనపడతాయి. రాత్రివేళ ఆయిల్ మర్దన చేసి ఉదయం కడిగేయండి. రంగు వేయవద్దు.
మేకప్ - మేకప్ పూర్తిగా నిలపద్దు. సహజ కాటుక, ఫేస్ వాష్ ఉపయోగించండి. ఇంటిలో తయారైన ఫేస్ ప్యాక్ లు చర్మం మెరిసేలా చేస్తాయి. బయటకు వెళ్ళేటపుడు సన్ లోషన్స్ రాయండి.
మసాజ్ - ప్రెగ్నెన్సీలో మసాజ్ చేస్తే అందం పెరుగుతుంది. నొప్పులు తగ్గిస్తుంది. మైండ్ రిలాక్స్ అవుతుంది. ప్రెగ్నెన్సీలోను, తర్వాత కూడా ఈ టెక్నిక్ ఆచరించండి.

ఈ చిట్కాలు పాటిస్తే, డెలివరీ తర్వాత కూడా మహిళలకు తమ శారీరక బిగువు సడలకుండా వుంటుంది.