ప్రెగ్నెంట్ అయ్యారని తెలిసిన వెంటనే.... !

రెగ్యులర్ గా ఆరోగ్య పరీక్షలు జరిపించుకోవాలి. వీలైనంత తరచుగా మీ వైద్యని వద్ద పరీక్షలు చేయించుకుంటూ వారు తెలిపే ఆరోగ్య జాగ్రత్తలు పాటించాలి. గర్భవతి అయిన 6 నుండి 8 వారాలలో మొదటి పరీక్ష చేయించండి. శారీరక పరీక్షలు, మీ చివరి రుతుక్రమం తేదీల ఆధారంగా వైద్యులు మీ గర్భం ఎన్ని వారాలదో నిర్ణయిస్తారు.

మీరు ఆరోగ్యంగా వుండి సమస్యలు ఏవీ లేవనుకుంటే....మీరు ప్రెగ్నెన్సీ 28 వ వారం వరకు ప్రతి నాలుగువారాలకు, ఆపై 36 వారాలవరకు ప్రతి 2 వారాలకు, డెలివరే అయ్యే సమయం వరకు వారానికొకసారి డాక్టర్ పరీక్షలు చేయించండి. మీ ప్రెగ్నెన్సీ సమయమంతా కూడా మీ వైద్యులు మీ బరువు, రక్తపోటు అదే విధంగా కడుపులోని బిడ్డ ఎదుగుదల వంటివి పరీక్షిస్తారు. మీకు రక్తం, మూత్రం, గర్భాశయ పరీక్షలవంటివి కూడా నిర్వహిస్తారు. కనీసం అంటే ఒకసారి అల్ట్రాసౌండ్ టెస్ట్ కూడా చేస్తారు.