కవల పిల్లలు కడుపులో వుంటే!

Pre Natal

oi-Nageswara

By B N Sharma

Published: Monday, January 30, 2012, 14:49 [IST]

కొంతమందికి గర్భం వచ్చినపుడు కవలపిల్లలుంటారని కూడా తెలిసిపోతుంది. దీనికి కారణం కుటుంబంలో కవల పిల్లల చరిత్ర వుండవచ్చు. లేదా అదిలేకుండానే మీకు ఆకస్మికంగా కలగవచ్చు. లేదా ప్రయోగశాల ఫలదీకరణలవంటి ప్రక్రియ ఆచరించినపుడు ఇద్దరు లేదా ముగ్గురు పుట్టటం కూడా సహజమే. అది ఎలా జరిగినప్పటికి గర్భంలో రెండు లేదా మూడు బేబీలుంటే కొన్ని జాగ్రత్తలు ఎలా తీసుకోవాలో చూడండి.

1. అల్ట్రా సౌండ్ చేయించండి. అది ఒకే గర్భ సంచిలో వున్న మీ బిడ్డల పొజిషన్ ఎలా వుందనేది చెపుతుంది. వారికి కొన్ని అసౌకర్యాలు కలుగవచ్చు. వైద్యులు పరిష్కారం చూపేందుకు ఇది సహకరిస్తుంది.

2. మంచి పోషణ - పుట్టే బేబీలు ఆరోగ్యంగా వుండాలంటే, మీరు సరైన బరువు సంతరించుకొని బిడ్డల ఆరోగ్య ఎదుగుదలకు బలమైన ఆహారాలు తీసుకోవాలి. పూర్తి నెలలు నిండి ప్రసవం అయ్యేవరకు ఆహారం అత్యవసరం. మీ బరువు ఎప్పటికపుడు నియంత్రించాలి. ఇద్దరి బేబీలకు సరిపడేలా అధిక ఆహారం భుజించాలి

3. ఒక్కొకపుడు నెలలు నిండకనే డెలివరీ అవటం బిడ్డలు చనిపోవటం కూడా జరిగే ప్రమాదముంది. కనుక వారి ఎదుగుదల సన్నిహితంగా నియంత్రించాలి. మీ వైద్యుని తరచుగా గర్భాశయం పరీక్షించమని కోరండి. బిడ్డలు త్వరగా పుట్టే ప్రమాదం నుండి రక్షించుకోండి.

4. కొన్నిప్రత్యేక పరీక్షల ద్వారా వైద్యులు గర్భంలో వున్న బేబీల కదలికలను ఎదుగుదలను పరిశీలించగలరు. బేబీల గుండె చప్పుడు సైతం రికార్డు చేయగలరు. అల్ట్రా సౌండ్ పరీక్షలో మీ బేబీలు ఎంత చురుకుగా వున్నారనేది తెలుస్తుంది.

5. బొడ్డు తాడులో రక్తం సరిగా ప్రవహిస్తోందా అనేది డాప్లర్ పరీక్షలో తెలుస్తుంది. వీటిని చివరి త్రైమాసికంలో తరచుగా ఉపయోగించాలి. మిమ్మల్ని, మీ బేబీలను ఆరోగ్యంగా వుంచాలంటే మీ వైద్యుడు ఎన్నో రకమైన మార్గాలు ఆచరించాలి.