గర్భవతిలో వచ్చే సాధారణ వ్యాధులు!

By B N Sharma

Published: Tuesday, February 28, 2012, 14:49 [IST]

గర్భవతులలలో వారి శారీరక వ్యవస్ధలనుబట్టి వివిధ రకాల సమస్యలు, వ్యాధులు వస్తూంటాయి. ఏ ఇద్దరికి ఉమ్మడిగా ఒకే సమస్య వుండదు. వికారాలు, పొట్ట దిగువ భాగంలో నొప్పి, యోనినుండి రక్తం స్రవించటం, దిగువ వెన్ను నొప్పి, దిగువ పొట్ట నొప్పి వంటివి ఎన్నో వుంటాయి. యోని రక్తస్రావం, దిగువ వెన్ను నొప్పి, దిగువ పొత్తి కడుపు నొప్పి వంటివి అబార్షన్ కు చిహ్నాలుగా చెప్పచ్చు.

ఈ సమయంలో గర్భవతి తన గర్భాన్ని నిలుపుకోవటానికిగాను అధిక జాగ్రత్తలు తీసుకోవాలి. కొంతమందికి తరచుగా అబార్షన్లు అవటం, మరి కొంతమందికి మరల గర్భం రాకపోవటం కూడా వుంటుంది. గర్భం ధరించినప్పటికి పిండం ఎదుగుదల చాలా నిదానంగా వుంటుంది. వికారాలు, వాంతులు, నీటిని నిలుపుకోవడం, అధిక రక్తపోటు, కళ్ళు బైర్లుకమ్మడం, ఫిట్ వంటిది రావడం, ఉమ్మనీరు తగుమాత్రంగా లేకపోవడం వంటివి కూడా వుంటాయి. వీరికి మూత్రాశయ వ్యాధులు కూడా వచ్చే ప్రమాదం వుంది.

ఒక్కొకపుడు కడుపులోని బిడ్డ తల గర్భాశయ ముఖద్వారంవైపుగా వుండకపోవటం కూడా వుంటుంది. ఇటువంటి సమస్యల పరిష్కారానికిగాను మహిళ గర్భం ధరించింది మొదలు సరైన పోషకాహారాలు, వ్యాయామాలు చేస్తూ, తగిన వైద్య సలహాలు కూడా పొందాలి. తరచుగా వైద్య పరీక్షలు చేయించుకోవాలి.