గర్భం ధరించాలంటే ఎంత వయసుండాలి?

Pre Natal

oi-Nageswara

By B N Sharma

Published: Friday, January 20, 2012, 11:10 [IST]

ప్రేమలో పడాలంటే, పెళ్ళి చేసుకోవాలంటే కొంత వయసు రావాలంటారు. అదే విధంగా ఒక బిడ్డకు తల్లి అవాలన్నా గర్భం ధరించాలన్నా కూడా కొంత వయసు అవసరం. గతంలో కొత్తగా పెళ్ళి చేసుకునేవారందరూ 30 ఏళ్ళు వచ్చే సరికి తల్లి అయిపోవాలని అప్పటికి శరీరం బలంగా వుండి యోని ద్వారానే జననం తేలిక అని అనేవారు.

మరి నేడు ప్రేమ, పెళ్ళి మొదలయిన అంశాలలో సమాజంలో మారిన పరిస్ధితుల కారణంగా గర్భం ధరించటానికి సరైన వయసు ఏదో పరిశీలిద్దాం. గర్భం ధరించటానికి సరైన వయసు అంటూ లేదు. అయితే మహిళ 30 లేదా 32 సంవత్సరాల వయసు వచ్చే సరిగి ధరించటం శ్రేష్టం. 35 సంవత్సరాల వయసు పైబడితే గర్భం ధరించే అవకాశాలు సన్నగిల్లుతాయి. గర్భం ధరించినా, కొన్ని సమస్యలు పుట్టే బిడ్డకు రావచ్చు. 35 సంవత్సరాల వయసు పైన గర్భం ధరించాలనుకునేవారు వైద్యుల సలహాపై పొందటం మంచిది.

పెళ్ళి కనుక త్వరగా అంటే 21 ఏండ్లకే అయిపోతే, ఆ మహిళ 27 సంవత్సరాలు వచ్చేసరికి లేదా 30 లోపుగా బిడ్డను కనేయవచ్చు. భాగస్వామి లేటుగా దొరికితే మరి ప్రణాళిక మారాల్సిందే. వారికి ఫెళ్ళి అవటం, జీవితంలో స్ధిరపడటం ఆపై మాత్రమే పిల్లల్ని కనటం చేయాలి. కొంతమంది మహిళలు ప్రెగ్నెన్సీ అంటే చాలా భయపడతారు. దీనికిగాను భాగస్వామి సహకారం అవసరం. నేటి యువతులు ఉద్యోగాలు, వ్యాపారాలవంటి ఇతర పనులలో కూడా వున్నారు కనుక వీరికి 30 ఏళ్ళవయసుకి పిల్లలుపుడితే సరైనదనే చెప్పాలి. 35 సంవత్సరాల వయసు పైబడితే రక్తపోటు, షుగర్ వ్యాధి సమస్యలు వచ్చి బేబీకి హాని కలిగించే అవకాశం వుంది.

జీవితంలో స్ధిరపడటానికి సమయం ఎలా వుంటుందని భావిస్తామో అదే విధంగా గర్భం ధరించటానికి, బేబీ పోషణ చేయటానికి సరైన సమయం కూడా వుంటుందని గ్రహించండి.