గర్భిణీలు ఎలాంటి పరిస్థితిలో వ్యాయామాలకు దూరంగా ఉండాలి ?

By Super

Updated: Tuesday, May 3, 2016, 10:18 [IST]

గర్భధారణ, వ్యాయామం రెండూ ముఖ్యమైనవే. గర్భధారణ సమయంలో కూడా చురుకుగా ఉండాలంటే, ఫిట్ గా ఉండాలన్నా మంచి ఆహారాలను, పోషకాహారాలను తీసుకోవాలి. అలాగే దినచర్యలో యోగా, గర్భం ధరించడానికి ముందు జిమ్ కు వెళ్లడం వంటివి చేయడం వల్ల ఆరోగ్యానికి చాలా మంచిది. అయితే మహిళలు వ్యాయామం లేదా యోగ వంటివి ఒక పరిమితిలో చేసుకుంటే మంచిది.

గర్భం ధరించిన తర్వాత, శరీరం మరింత బరువుగా తయారవుతుంది. పాదాల వాపులు, కాళ్ల వాపులు, లోయర్ బ్యాక్ పెయిన్, తరచూ విశ్రాంతి లేకపోవడం, అలసటగా ఉండటం వంటి సమస్యలను ఎదుర్కొంటారు. ఇలాంటి లక్షణాలు కనిపించినప్పుడు, వెంటనే మీరు చేయాల్సిందల్లా విశ్రాంతి తీసుకోవడం.

పాదాలను గోరువెచ్చని నీటిలో డిప్ చేసి, రెస్ట్ తీసుకోవడం వల్ల పాదాల్లో వాపు తగ్గుతుంది. లోయర్ బ్యాక్ పెయిన్ నివారిస్తుంది. ప్రీనేటల్ మసాజ్ కూడా ఉపయోగపడుతుంది. రెగ్యులర్ మసాజ్ వల్ల నొప్పులు, ఒళ్లు నొప్పలు కూడా తగ్గించుకోవచ్చు.

అలాగే కొంత మంది నిపుణుల అభిప్రాయం ప్రకారం గర్భధారణ సమయంలో కొన్ని సులభమైన వ్యాయామాలు, నిపుణుల సమక్షంలో చేయడం వల్ల కొన్ని సమస్యలను నివారించుకోవడంతో పాటు, ప్రసవం సులభంగా అవుతుందని సూచిస్తున్నారు.

అయితే , గర్భిణీ స్త్రీలు కొన్ని సందర్భాలో వ్యాయామాలకు దూరంగా ఉండటం మంచిది. మరి గర్భిణీ ఎటువంటి సందర్బాల్లో వ్యాయామాలకు దూరంగా ఉండాలో తెలుసుకుందాం...

కళ్లు తిరిగుతున్నప్పుడు:

తల తిరుగుతున్నట్టు అనిపిస్తున్నప్పుడు, వ్యాయామానికి దూరంగా ఉండాలి. వెంటనే విశ్రాంతి తీసుకోవడం మంచిది. ఇలాంటి సమయంలో విశ్రాంతి తీసుకోవాలి. కొద్దిగా నీళ్లు తాగి, గట్టిగా శ్వాస తీసుకొని వదలాలి. ఇలా రెండు మూడు సార్లు చేయడం వల్ల నాడీవ్యవస్థ బావుంటుంతుంది.

తలనొప్పి:

అలసటతో పాటు, తలనొప్పి, తలబారంగా అనిపించినప్పుడు వ్యాయామానికి దూరంగా ఉండాలి. ఈ సమయంలో వ్యాయామం చేయడం వల్ల చెమట ఎక్కువగా పడుతుంది, డీహైడ్రేషన్ వల్ల కూడా తలనొప్పి వస్తుంది.

ఛాతీలో నొప్పి:

చాలా మంది గర్భిణీల్లో సెకండ్ ట్రైమ్ స్టర్ లో ఛాతీలో నొప్పి ఉంటుంది. ఇది గర్భంలో పిండం పెరుగుదల వల్ల జరుగుతుంది. ఇది వెన్ను మీద ప్రభావం చూపడం వల్ల చాతీలో నొప్పిగా అనిపిస్తుంది.

శ్వాసతీసుకోవడంలో ఇబ్బంది:

వ్యాయామం నిలపడానికి మరో కారణం శ్వాస తీసుకోవడం కష్టంగా అనిపించినప్పుడు వెంటనే వ్యాయామం మానేయాలి. ఈ సమస్యను క్రమంగా ఫేస్ చేస్తుంటే, మీ శరీరానికి విశ్రాంతి అవసరం.

వాజినల్ బ్లీడింగ్:

గర్భధారణలో బ్లీడింగ్ అయితే కంగారుపడాల్సిన విషయమే. వ్యాయామ సమయంలో బ్లీడింగ్ అవుతున్నట్లు గమనిస్తే వెంటే వ్యాయామం ఆపేయాలి. వెంటనే వైద్యులను కలవడం మంచిది. ఇది గర్భస్రావానికి కారణం కావచ్చు.