ఒక్క ఆలూ,ఒక్క గుడ్డు చాలు.. 5 నిమిషాల్లో టేస్టీ బ్రేక్ ఫాస్ట్..ఇలా చేయండి

సాధారణంగా మనలో చాలామంది పొద్దున్నే బ్రేక్ ఫాస్ట్ లోకి ఇడ్లీ,దోశ,పూరీ,బోండానే ఎక్కువగా తీసుకుంటారు. అయితే కొందరు మిల్లెట్స్ తో చేసిన ఇడ్లీ, దోశలు,పొంగలి వంటివి తింటుంటారు. అయితే రోజూ ఇవి తిని తిని చాలామందికి బోర్ కొట్టేస్తుంటది. అలాంటివాళ్లు కొత్తగా ఏదైనా ట్రై చెయ్యాలి అనుకుంటే పొటాటో ఎగ్ రెసిపి ఖచ్చితంగా ట్రై చేసి తీరాల్సిందే. టేస్ట్ అదిరిపోతుంది అంతే. ఈ రెసిపి కోసం మీద కేవలం ఒక బంగాళదుంప, ఒక కోడిగుడ్డు ఉంటే చాలు. 5 నిమిషాల్లోనే హెల్తీ బ్రేక్ ఫాస్ట్ రెడీ చేసుకోవచ్చు. బ్యాచిలర్స్ కూడా చాలా ఈజీగా ఈ రెసిపిని చేసుకోవచ్చు. ఒక్క బంగాళదుంప, ఒక్క కోడిగుడ్డుతో టేస్టీ అండ్ హెల్తీ బ్రేక్ ఫాస్ట్ ఎలా చేసుకోవాలో ఇక్కడ చూడండి.

తయారీకి కావాల్సిన పదార్థాలు
-బంగాళదుంప
-కోడిగుడ్డు
-మైదాపిండి
-ఉప్పు
-ఆయిల్

తయారీ విధానం
-ముందుగా ఒక బంగాళదుంప తీసుకొని దానిని శుభ్రంగా కడిగి దానిమీద చెక్కునంతా తీసేయాలి.

-చెక్కు తీసిన బంగాళదుంపను చాకుతో చాలా సన్నని పొడవాటి ముక్కలుగా కట్ చేసుకోండి.

-ఇప్పుడు ఓ బౌల్ తీసుకొని అందులో బంగాళదుంప ముక్కలు వేసి అందులోనే 1 కోడిగుడ్డు కొట్టి వేయాలి. ఇందులోనే 2 టేబుల్ స్పూన్ల మైదా పిండి, రుచికి సరిపడా ఉప్పు, 2 టేబుల్ స్పూన్ల నీళ్లు కూడా పోసి మొత్తం కలిసేలా అన్నింటిని బాగా కలపాలి.

-ఇప్పుడు స్టవ్ మీద పాన్ పెట్టి అందులో ఆయిల్ ని బ్రష్ తో అలా రుద్ది వేడి చెయ్యండి. పాన్ వేడయ్యాక అందులో బౌల్ లో కలిపి ఉంచిన మిశ్రమాన్ని వేయండి. దోశ లేదా ఆమ్లెట్ మాదిరిగా దానిని గరిటతో పరచండి. పాన్ మీద మూతపెట్టి 3 నిమిషాలు మీడియం మంట మీద ఉడకనివ్వాలి.

-తర్వాత మూత తీసి అందులోని అట్టుని గరిటతో రెండో వైపుకి తిప్పి మూతపెట్టి మరో 2 నిమిషాలు కాలనివ్వాలి.

-ఇప్పుడు మూత తీసి చూడండి. మంచిగా రెండువైపులా కాలిన తర్వాత దించేసి ఓ ప్లేట్ లోకి తీసుకోవాలి.

-ఇప్పుడు దాన్ని నాలుగు భాగాలుగా కట్ చేసుకొని నచ్చిన చట్నీతో లేదా సాస్ తో తింటే నోటికి స్వర్గమే.