వేసవి వంటలు : కమ్మని బూందీ రైతాను ఇలా తయారు చేసుకోండి..!

ఈ వేడి వేడి ఎండల్లో.. మండే వేసవి కాలంలో మీకోసం ప్రత్యేకంగ సమ్మర్ రెసిపీలను మీ ముందుకు తీసుకొని వచ్చాము. ప్రత్యేకంగా సమ్మర్ రెసిపీల గురించి ఇస్తున్నాం. ఈ ఎండాకాలంలో మీరు సులభంగా తయారు చేసుకునే విధంగా మీకు ఈ రెసిపీని ఎలా తయారు చేసుకోవాలో వివరిస్తాం.

మన దేశంలో దక్షిణాదిలో పెరుగు చట్నీ అని మనము పిలుచుకుంటాము. కానీ ఉత్తర భారతంలో దీనినే బూందీ రైతా, లేదా రైతా అని అంటారు. ఈ రెండూ పెరుగుతోనే తయారు చేసినా వీటి రుచి మాత్రం వేరువేరుగా ఉంటుంది. బూందీ రైతాను ఎలా తయారు చేసుకోవాలో తెలుసుకుందాం.

బూందీ రైతా కోసం కావలసిన వంట సామాను

ముందుగా నాలుగు చెంచాల బూందీని కప్‌లో తీసుకోవాలి, తరువాత చిటికెడు ఉప్పు, 5 చెంచాల పెరుగు టేబుల్‌పై రెడీగా వుంచుకోవాలి.

తయారు చేసే విధానం

ఐదు చెంచాల పెరుగును, నాలుగు చెంచాల బూందీని, ఉప్పును మూడింటినీ ఒక గిన్నెలో వేసి బాగా కలుపుకోవాలి. పెరుగులో ఉప్పు మొత్తం కలిసే విధంగా, బూంది విరిగిపోకుండా జాగ్రత్తగా కలుపుకోవాలి.దీంతో మీ బూందీ రైతా తినడానికి రెడీగా ఉంది.

బూందీ రైతాను చల్లగా తింటేనే రుచికరంగా ఉంటుంది. తయారు చేసిన వెంటనే ఫ్రిజ్‌లో కొద్ది సేపు అలాగే వుంచండి. తరువాత చపాతీలో సర్వ్ చేసుకోండి. కేవలం బూందీ రైతా మాత్రమే తింటే ఆ రుచి మాటల్లో వర్ణించలేము.

తయారు చేసుకున్న బూందీ రైతాలో కూడా మంచి పోషకాలు ఉంటాయ్. ప్రస్తుతం ఇక్కడ తయారు చేసుకున్న బూందీ రైతాలో క్యాలరీలు -157కిలో క్యాలరీలు, కార్బోహైడ్రేట్లు -10.74గ్రాములు, ప్రొటీన్లు -2.41గ్రా, ఫ్యాట్ - 4.75గ్రా, ఫైబర్-0 గ్రా.

రాజస్థాన్

రాజస్థాన్‌లో ఈ బూందీ రైతాకు చాలా పాపులారిటీ ఉంది. ఇంతకు ముందు చెప్పనట్లే ఉత్తర భారత దేశంలో దాదాపు అన్ని రాష్ట్రాల్లో పెరుగు చట్నీకి బదులుగా ఈ బూందీ రైతాను అన్నంలో తింటారు. దీనిని అక్కడ చాలా మంది చపాతీలో, అలాగే తినడం కూడా చేస్తారు. మార్వాడీ వేడుకల్లో బూందీ రైతా లేనిదే వారి వంటలు పూర్తి కావంటే ఈ బూందీ రైతాకు ఉన్న పాపులారిటీని అర్థం చేసుకోవచ్చు.