వందల రోగాలను నయం చేసే శక్తి ఉన్న రెసిపి ఇదే..ఎలా చేయాలంటే

మనదేశంలో జొన్నలు అంటే ఈ రోజుల్లో తెలియని వారు చాలామందే ఉంటారు గానీ ఒకప్పుడూ అందరూ వీటితో చేసిన ఫుడ్ ని తినేవాళ్లు. వీటిలో పోషకాలు పుష్కలంగా ఉంటాయి. జొన్నలతో రొట్టెలు, జావ, అన్నం వంటి అనేక రకాల ఆహార పదార్థాలను తయారుచేసుకోవచ్చు. జొన్న అన్నం ఆరోగ్యానికి ఎంతో మేలు చేస్తుంది. అనేక వ్యాధులను నివారించడంలో సహాయపడుతుంది. కాబట్టి మీ ఆహారంలో జొన్న అన్నాన్ని చేర్చుకోవడం మంచిది.

మధుమేహ నియంత్రణ, బరువు కంట్రోల్ లో ఉంచడంలో, ఎముకలను బలంగా మార్చడంలో, రోగనిరోధక శక్తి పెంచడంలో, రక్తహీనత నివారణలో, చర్మాన్ని ఆరోగ్యంగా ఉంచడంలో ఇలా అనేక రకాలుగా సహాయపడుతూ ఆరోగ్య ప్రయోజనాలను అందించే జొన్న అన్నం ఎలా తయారు చేసుకోవాలి, దీని తయారీకి కావాల్సిన పదార్థాలను ఇక్కడ చూడండి.

జొన్న అన్నం తయారీకి కావలసిన పదార్థాలు

జొన్నలు: 1 కప్పు
నీరు: 3 కప్పులు
ఉప్పు: రుచికి సరిపడా

జొన్న అన్నం తయారీ తయారీ విధానం

-జొన్న అన్నం తయారీకోసం ముందుగా జొన్నలను శుభ్రంగా రెండుమూడుసార్లు కడగండి.

-కడిగిన తర్వాత వాటిని కనీసం అరటంట సేపు నానబెట్టాలి.

-నానిన జొన్నలను కుక్కర్‌ లో వేసి అందులో 3 కప్పుల నీరు, ఉప్పు వేయాలి.

-కుక్కర్‌ మూత పెట్టి 3-4 విజిల్స్‌ వచ్చే వరకు ఉడికించాలి.

-కుక్కర్‌ చల్లారాక మూత తీసి అన్నాన్ని బాగా కలుపుకోవాలి.

-అంతే జొన్న అన్నం రెడీ. దీనిని కూరలతో లేదా పప్పుతో కలిపి తినవచ్చు.

-దీనికి పచ్చి పులుసుతో గానీ లేదా టమోటా చట్నీతో గాని తింటే మంచి రుచి వస్తుంది.