Latest Updates
-
ఎసిడిటీ, గ్యాస్ వేధిస్తున్నాయా? ఈ 5 ఇంటి చిట్కాలతో చిటికెలో ఉపశమనం! -
ఉద్యోగస్తులు, బ్యాచిలర్స్ కోసం త్వరగా అయిపోయే మసాలా కొబ్బరి అన్నం...పిల్లల లంచ్ బాక్స్ కు బెస్ట్ -
జలుబు వల్ల వచ్చే తీవ్రమైన తలనొప్పిని తగ్గించే బెస్ట్ చిట్కా ఇదే -
నార్త్ ఇండియా స్టైల్ పుట్టగొడుగులు బంగాళదుంప మసాలా..తరతరాలకు గుర్తుండిపోయే రుచి! -
విటమిన్ C, యాంటీఆక్సిడెంట్లు పుష్కలంగా ఉండే ఉసిరి సూప్..చలికాలంలో దీన్ని మించింది లేదు! -
పురుషుల దినోత్సవం స్పెషల్ స్వీట్..నోట్లో వెన్నలా కరిగిపోయే క్రీమీ రబ్రీని ఇంట్లోనే సులభంగా చేసుకోండిలా! -
చాక్లెట్ బ్రౌనీ చీజ్ కేక్ రెసిపీ.. పురుషుల దినోత్సవాన మీ ప్రియమైన వారికి ఇలా స్వీట్ సర్ ప్రైజ్ ఇవ్వండి! -
International men's day: ప్రతి పురుషుడు తప్పనిసరిగా చేయించుకోవాల్సిన టెస్టులు ఇవే! -
పిల్లల ఆట అనుకుంటున్నారా? పెద్దలు ఉయ్యాల ఊగడం వల్ల కలిగే ఆరోగ్య ప్రయోజనాలివే! -
చలికాలం స్పెషల్ బ్రేక్ ఫాస్ట్..ప్రోటీన్, ఐరన్ పుష్కలంగా ఉండే పెసరపప్పు పాలకూర దోసె చేసుకోండిలా..
ఉల్లిపాయ, వెల్లుల్లి లేకుండానే పరమ రుచిగా.. టెంపుల్ స్టైల్ సాంబార్ అన్నం చేసుకోండిలా!
గుడికి వెళ్లినప్పుడు అక్కడ ప్రసాదంగా పెట్టే సాంబార్ అన్నం రుచే వేరు. ఆ కమ్మని రుచిని, గుమగుమలను మన ఇంట్లోనే చాలా సులభంగా తయారు చేసుకోవచ్చు.
ఉల్లిపాయ, వెల్లుల్లి లేకుండా చేసే ఈ టెంపుల్ స్టైల్ సాంబార్ అన్నం పండుగ రోజుల్లో లేదా ఏదైనా ప్రత్యేక దినాల్లో చేసుకోవడానికి పర్ఫెక్ట్. ఈ అద్భుతమైన వంటకాన్ని ఎలా చేయాలో ఇక్కడ చూడండి.

సాంబార్ అన్నం తయారీకి కావలసిన పదార్థాలు
బియ్యం - అర కప్పు
మసాలా పేస్ట్ కోసం:
కందిపప్పు - పావు కప్పు
పసుపు - చిటికెడు
నీళ్లు - తగినన్ని
పచ్చి శనగపప్పు - 1 టేబుల్ స్పూన్ మినపప్పు - 1 టీస్పూన్
ధనియాలు - 1 టేబుల్ స్పూన్ మెంతులు - పావు టీస్పూన్
పచ్చి కొబ్బరి తురుము - 2 టేబుల్ స్పూన్లు జీలకర్ర - పావు
టీస్పూన్
మిరియాలు - పావు టీస్పూన్
తాలింపు కోసం:
నువ్వుల నూనె - 1 టేబుల్ స్పూన్
ఆవాలు - అర టీస్పూన్
మెంతులు - పావు టీస్పూన్
ఎండు మిర్చి,పచ్చిమిర్చి - రుచికి తగినన్ని
ఇంగువ - కొద్దిగా
కూరగాయలు, ఇతరాలు:
క్యాప్సికమ్, క్యారెట్, బీన్స్, తీపి గుమ్మడికాయ ముక్కలు, టమాటా
ఉప్పు - రుచికి తగినంత
పసుపు - కొద్దిగా
సాంబార్ పొడి - 1 టీస్పూన్
చింతపండు గుజ్జు - తగినంత
చివరిగా కలపడానికి: నెయ్యి - 1 టేబుల్ స్పూన్
జీడిపప్పు - కొద్దిగా
ఈ సీక్రెట్ మసాలా ఒక్కటి వేస్తే చాలు.. అదిరిపోయే టేస్ట్తో మష్రూమ్ కర్రీ రెడీ.!
సాంబార్ అన్నం తయారీ విధానం
-ముందుగా బియ్యం, కందిపప్పును శుభ్రంగా కడిగి నానబెట్టుకోవాలి. కుక్కర్లో వీటిని వేసి, చిటికెడు పసుపు, తగినన్ని నీళ్లు పోసి 5 విజిల్స్ వచ్చేదాకా మెత్తగా ఉడికించాలి. ఆ తర్వాత గరిటెతో బాగా మెదిపి పక్కన పెట్టుకోవాలి. మరీ గట్టిగా ఉంటే కొద్దిగా వేడినీళ్లు కలుపుకోవచ్చు.
-స్టవ్ మీద పాన్ పెట్టి మసాలా పేస్ట్ కోసం చెప్పిన దినుసులన్నీ (కొబ్బరితో సహా) దోరగా వేయించాలి. చల్లారాక కొద్దిగా నీళ్లు పోసి మెత్తని పేస్ట్ లా మిక్సీ పట్టుకోవాలి.
-తాలింపు కోసం ఒక మందపాటి గిన్నెలో నువ్వుల నూనె వేడి చేసి ఆవాలు, మెంతులు, ఎండుమిర్చి, పచ్చిమిర్చి, ఇంగువ వేసి దోరగా వేయించుకోవాలి. ఈ పోపులో ముందుగా క్యాప్సికమ్ ముక్కలు వేసి వేయించాలి. ఆ తర్వాత మిగిలిన కూరగాయల ముక్కలు వేసి కాసేపు మగ్గనివ్వాలి. ఇప్పుడు ఉప్పు, పసుపు, సాంబార్ పొడి, చింతపండు గుజ్జు, గుమ్మడికాయ ముక్కలు, తగినన్ని నీళ్లు పోసి బాగా మరిగించాలి. కూరగాయలు మెత్తబడి, చింతపండు పచ్చివాసన పోయేదాకా ఉడికించాలి.
-కూరగాయలు ఉడికాక, మనం ముందుగా రుబ్బి పెట్టుకున్న మసాలా పేస్ట్ వేసి కలపాలి. ఇది బాగా మరుగుతుండగా, మెత్తగా ఉడికించి పెట్టుకున్న అన్నం-పప్పు మిశ్రమాన్ని వేసి ఉండలు లేకుండా కలుపుకోవాలి. మీకు కావలసినంత చిక్కదనాన్ని బట్టి నీళ్లు పోసుకొని, ఉప్పు సరిచూసుకోవాలి.
-చివరిగా సన్నగా తరిగిన కొత్తిమీర చల్లుకోవాలి. చిన్న కడాయిలో వేడి నెయ్యిలో జీడిపప్పులను దోరగా వేయించి, ఆ నేతితో సహా సాంబార్ అన్నం పైన పోసి వేడివేడిగా వడ్డించుకుంటే... ఆ రుచికి ఫిదా అవ్వాల్సిందే.
Boldsky బ్రేకింగ్ న్యూస్ అలర్ట్స్ కోసం | Subscribe to Telugu Boldsky.



Click it and Unblock the Notifications
