చాలా తక్కువ టైంలో రుచికరమైన, పౌష్టికమైన పచ్చడి.. ఉల్లిపాయలతో ఈజీగా చేసేయండిలా..

తెలుగు వారికి పంచబక్ష పరమాన్నాలు ప్లేట్ లో ఉన్నా తప్పనిసరిగా పచ్చడి ఉండి తీరాల్సిందే. అయితే ఇంట్లో కూరగాయలు ఏం లేనప్పుడు, చాలా తక్కువ టైంలో ఇంట్లో ఎప్పుడూ అందుబాటులో ఉన్న పదార్థాలతోనే రుచికరమైన, పౌష్ఠికమైన పచ్చడి తయారరుచేయాలనుకుంటే ఉల్లి పచ్చడి మించిన ప్రత్యామ్నాయం మరొకటి లేదు.

ఉదయం ఆఫీసులకు వెళ్లేవాళ్లకు, కాలేజీలకు వెళ్లే విద్యార్థులకు బాక్స్ లో పెట్టడానినికి ఉల్లి పచ్చడి బెస్ట్ గా ఉంటుంది. ఈ పచ్చడి ఫ్రిజ్ లో పెట్టుకుంటే 4 రోజుల దాకా ఫ్రెష్ గా ఉంటుంది.అన్నంలోకే కాకుండా ఇడ్లీ, దోశల్లోకి కూడా ఇది నంజుకోడానికి సూపర్ గా ఉంటుంది. ఉల్లి పచ్చడి మీ ఇంట్లో ఎలా తయారుచేసుకోవాలో ఇక్కడ చూడండి.

ఉల్లిపాయ పచ్చడి తయారీకి కావాల్పిన పదార్థాలు

-ధనియాలు
-జీలకర్ర
-ఉల్లిపాయలు
-వెల్లుల్లి
-కొత్తిమీర
-చింతపండు
-కారం
-ఉప్పు
-నూనె
-ఎండుమిర్చి
-కరివేపాకు

క్యాలరీలు తక్కువ, ప్రొటీన్ ఎక్కువ..తోటకూర అలసందల వేపుడు ఇలా చేస్తే అదరహో..

ఉల్లిపాయ పచ్చడి తయారీ విధానం

-స్టవ్ మీద పాన్ పెట్టి అందులో నూనె వేసి వేడయ్యాక అందులో 1 స్పూన్ ధనియాలు, 1 స్పూన్ జీలకర్ర వేసి ఫ్రై చేసుకోవాలి. తర్వాత అందులో పెద్ద సైజులో కట్ చేసుకున్న 4 ఉల్లిపాయల ముక్కలు, గుప్పెడు పొట్టు తీసిన వెల్లుల్లి రెబ్బలు వేసి అవి మంచిగా వేగేదాకా వేయించాలి. ఇవి వేగుతున్నప్పుడు ఇందులో కొత్తిమీర, నిమ్మకాయంత సైజు చింతపండు వేసి వాటిని కూడా కలిపి వేయించాలి.

-ఉల్లిపాయలు బాగా వేగాక అందులో 3 స్పూన్ల కారం, రుచికి సరిపడా ఉప్పు వేసి కలుపుకోవాలి. కారం కూడా కలిసిపోయి వేగాక స్టవ్ ఆపేయండి.

-ఇప్పుడు వేయించిన మొత్తం మిక్సీ జార్ లో వేసి గ్రైండ్ చేయండి.

-తర్వాత తాలింపు కోసం స్టవ్ మీద పాన్ పెట్టి అందులో కొంచెం ఎక్కువగానే ఆయిల్ పోసి వేడయ్యాక అందులో ఆవాలు, జీలకర్ర, ఎండుమిర్చి, వెల్లుల్లి వేసి వేయించాక అందులో కొద్దిగా కరివేపాకు, పసుపు వేసి అంతా ఒకసారి కలిపాక మిక్సీ పట్టుకున్న మిశ్రమం వేసి కలుపుకోవాలి. కాసేపు మగ్గనిచ్చి స్టవ్ ఆపేయాలి.

-అంతే సూపర్ టేస్టీ ఉల్లి పచ్చడి రెడీ.