ఖీమా కలేజి: మటన్ - లివర్ ఫ్రై

Published: Monday, June 25, 2012, 15:42 [IST]

ఖీమా కలేజి. ఇది భారత దేశంలో తినేటటువంటి ఒక సాంప్రదాయక వంటకం. ఈ ఖీమా కలేజిని మటన్ ఖీమా, లివర్ తో తయారు చేస్తారు. ఈ ఖీమా వంటకంలో ఎక్కువ ఘాటైన మసాలాలతో తయారు చేయడం వల్ల ఇందులో ఎక్కువ క్యాలరీలు ఉంటాయి. మాంసంతో కూరలు వగైరా చేసుకోవడం తెలుసు కాని కాస్త వెరయిటీగా మటన్ ఖీమాతో ఫ్రై చేసుకుందాం. ఈ వంటకం పిల్లలతో పాటు పెద్దలు కూడా ఇష్టంగా ఆరగిస్తుంటారు. ఖీమాతో అనేక రకాల వంటలను తయారు చేయవచ్చు. అలాంటి వాటిల్లో ఒకటి ఖీమా హల్వా. దీని తయారీ కోసం కింది పదార్థాలను సిద్ధంగా ఉంచుకోవాలి.

ఖీమా: 500grms
లివర్: 250grms
ఉల్లిపాయలు: 3
వెల్లుల్లి రెబ్బలు: 8-10
అల్లం: చిన్న ముక్క
పచ్చిమిర్చి: 4(చిన్న ముక్కలుగా కట్ చేసినవి)
జీలకర్ర: 1tsp
బ్లాక్ పెప్పర్: 10
యాలకలు: 4
లవంగాలు: 4
చెక్క: చిన్న ముక్క
కారం : 1tbsp
ధనియా పౌడర్: 1tbsp
టమోటో: 1(కట్ చేసినవి)
పెరుగు: 2tbsp
బిర్యాని ఆకు: 1
కొత్తిమీర తరుగు: 2tbsp
నూనె: తగినంత
నెయ్యి: 2tbsp
ఉప్పు: రుచికి సరిపడా

తయారు చేయు విధానం:
1. ముందుగా ఒక వెడ్పాల్పాటి పాన్ తీసుకొని అందులో నూనె వేసి వేడయ్యాక అందులో బిర్యాని ఆకును వేసి వేయించాలి.
2. తర్వాత కట్ చేసి పెట్టుకొన్న ఉల్లిపాయ ముక్కలు వేసి బాగా బ్రౌన్ కలర్ వచ్చేంత వరకూ వేయించుకోవాలి.
3. అంతలోపు, అల్లం వెల్లుల్లి, జీలకర్ర, యాలకులు, పెప్పెర్, చెక్కా, లవంగాలు వీటన్నింటినీ మిక్సీలో వేసుకొని చిక్కటి పేస్ట్ తయారు చేసుకోవాలి.
4. ఇప్పుడు ఉల్లిపాయ ముక్కలు బాగా వేగి మంచి వాసన వచ్చేటప్పుడు అందులో మటన్ ఖీమా, లివర్ ముక్కలు అందులో వేసి స్పూన్ తో కలబెట్టి, తక్కువ మంట మీద ఐదు నిమిషాల పాటు వేయించుకోవాలి.
5. తర్వాత అందులో ముందుగా కట్ చేసి పెట్టుకొన్ని పచ్చిమిర్చి ముక్కలు, మసాలా ముద్ద వేసి, తక్కువ మంటలో ఐదు నుండి పదినిమిషాల పాటు బాగా వేయించాలి.
6. ఇప్పుడు మసాలా బాగా వేగి, నూనె పైకి వస్తున్నప్పుడు చూసుకొని అందులో టమోటో ముక్కలు, ఉప్పు, కారం, మరియు ధనియాలపొడి, వేసి కలబెట్టి మరో ఐదు నిమిషాల పాటు ఉడికించుకోవాలి.
7. అందులో కొద్దిగా నీళ్ళు వేసి, మూత పెట్టి మరో రెండు మూడు నిమిషాలు వేయించాలి.
8. ఈ మసాలా మిశ్రమం అంతా ఖీమాకు బాగా పట్టి గ్రేవీ చిక్కబడుతున్నప్పుడు ఒక స్పూన్ గడ్డ పెరుగు వేసి బాగా కలపాలి. చివరగా కొత్తిమీర ఆకులు, నెయ్యితో గార్నిష్ చేసి సర్వ్ చేయాలి అంతే మటన్ ఖీమా కలేజి రెడీ...