రుచికరమైన ఖీమా ఉండలు....

Published: Thursday, May 24, 2012, 17:21 [IST]

కావలసిన పదార్థాలు:
మటన్ ఖీమ: 1/2kg
పచ్చిమిర్చిం 4-6
కారం: 1tsp
ధనియాల పొడి: 1tsp
ఎండుకొబ్బరి పొడి: 2tsp
ఉప్పు: రుచికి తగినంత
లవంగాలు: 4-6
దాల్చిన చెక్క: పెద్ద ముక్క
అనాస పువ్వు: కొద్దిగా
అల్లం వెల్లుల్లిపేస్ట్: 1tsp
ఉల్లిపాయ: 1
కొత్తిమీర తురుము: కొద్దిగా
పసుపు: చిటికెడు
బ్రెడ్ పొడి: 1/2cup
నూనె వేయించడానికి: తగినంత

తయారు చేయు విధానం:
1. ముందుగా ఖీమా కడిగి నీళ్లు వంపేసి పక్కన పెట్టుకోవాలి. అలాగే ఉల్లిపాయను తరిగి పెట్టుకోవాలి.
2. ఇప్పుడు నూనె తప్ప మిగిలిన పదార్థాలన్నీ ఖీమాలోకలిపి నీళ్లు కలపకుండా మిక్సీలో మెత్తగా చేసుకోవాలి.
(ఈ మిశ్రమంలో అల్లం, వెల్లుల్లి, ఉల్లిపాయ లోని తేమ సరిపోతుంది).
3. తర్వాత పాన్ లో నూనె పోసి స్టౌ మీద పెట్టి, వేడయ్యాక చేతిని తడి చేసుకొని ఖీమా మిశ్రమాన్ని ఉండగా చేసి బ్రెడ్ పొడిలో దొర్లించి వేయాలి. బంగారువర్ణంలోకి వచ్చాక తీసేయాలి.
4. వేడి వేడి ఖీమా ఉండల్ని కొత్తిమీర, ఉల్లిపాయ ముక్కలతో అలంకరించి టమాటాసాస్ తో తింటే భలే రుచిగా ఉంటాయి.